ნატო-ს გენერალური მდივნის სპეციალურმა წარმომადგენელმა ჯეიმს აპატურაიმ "მოამბესთან" ინტერვიუში დღეს საქართველოს პრემიერთან ბრიუსელში დაგეგმილ შეხედრასა და ნატო-საქართველოს კომისიის სხდომაზე ისაუბრა.
"პრემიერის ვიზიტი ძალიან მნიშვნელოვანი იქნება. ვფიქრობ, მას შეუძლია, თავდაჯერებული იყოს. ჩვენი მოსაზრება წლიურ ეროვნულ გეგმაზე ძალიან პოზიტიურია. ასე რომ ვფიქრობ, ელჩებს ექნებათ სურვილი, მოისმინონ როგორ მიდის მზადება. ასევე თქვენ წინ გელოდებათ ადგილობრივი არჩევნები", - აღნიშნა აპატურაიმ. მისივე თქმით, საუბრის თემებს შორის იქნება ავღანეთის მომავალი და სექტემბერში დაგეგმილი ნატო-ს სამიტი. "ვფიქრობ, ძალიან ლეგიტიმურია, რომ ქართველი ხალხი კონკრეტულ წინ გადადგმულ ნაბიჯს ელოდება. რა ფორმას მიიღებს ეს არ ვიცი, მაგრამ საქართველოს პოზიცია ნათელია. მან რეფორმები გაატარა და საერთაშორისო მისიაში წვლილი შეაქვს და ელჩებმა ეს იციან", - განაცხადა აპატურაიმ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.