ავტოსაგზაო შემთხვევა თბილისი-მარნეულის გზატკეცილზე - კუმისის მიმდებარე ტერიტორიაზე თბილისიდან ერევნის მიმართულებით მიმავალი სამგზავრო ავტობუსი, რომლის მგზავრების აბსოლუტურ უმრავლესობას სომხეთის მოქალაქეები შეადგენდნენ და მათ შორის ბავშვებიც იყვნენ, ამობრუნდა.
როგორც Guardian.ge-ს კორესპონდენტი ადგილიდან იუწყება, ავარიის შედეგად, რამდენიმე ადამიანია დაშავებული, ისინი სამედიცინო დაწესებულებაში გადაიყვანეს.
შემთხვევა კვირას, დილით, დაახლოებით, 10:30 წუთზე მოხდა.
ავარიის მიზეზი, როგორც Guardian.ge-ს ავტობუსის მძღოლმა განუცხადა, მის წინ მიმავალი „ნისანის" მარკის ავტომობილის მიერ მოძრაობის წესების დარღვევა გახდა.
„ნისანის" მარკის ავტომობილი მარცხენა მიმართულებით არასწორად აპირებდა გადასწრებას. ფატალური შემთხვევისგან თავის არიდების მიზნით, უეცრად საჭე მარჯვნივ ავიღე, რის შედეგადაც ავტობუსი ამობრუნდა", განუცხადა Guardian.ge-ს ავტობუსის მძღოლმა, სომხეთის მოქალაქემ რუსულ ენაზე.
ავტობუსის ერთ-ერთი მგზავრი ასევე აცხადებს, რომ სატრანსპორტო საშუალება გადაჭარბებული სიჩქარით არ მოძრაობდა.
„მე წინ ვიჯექი და ვუყურებდი, თუ რა მოხდა და ყველა მგზავრი დამემოწმება, რომ ავტობუსი არ მიდიოდა გადაჭარბებული სიჩქარით, დაახლოებით, 50 კმ სთ-ში სიჩაქარით მივდიოდით, როდესაც „ნისანის" მარკის ავტომანქანამ არასწორად გადასწრება მოინდომა", განაცხადა მგზავრმა ქალბატონმა, რომელიც სომხეთის მოქალაქეა.
ადგილზე მობილიზებულია საპატრულო პოლიციის რამდენიმე ეკიპაჟი, ასევე ელოდებიან ექსპერტთა ჯგუფს, რომელიც ვითარებას ადგილზე შეისწავლის.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.