ახალმა, მძლავრმა კიბერთავდასხმამ მასობრივი შეფერხება გამოიწვია ევროპის გასწვრივ, განსაკუთრებით მძლავრი დარტყმა კი უკრაინას მიაყენა. კერძოდ, სერიოზული კიბერ დარტყმის ქვეშ აღმოჩნდნენ უკრაინის ბანკები, სამთავრობო ოფისები. ქვეყნის პრემიერ მინისტრმა განაცხადა, რომ თავდასხმა უპრეცედენტოა, მაგრამ მას „სასიცოცხლო სისტემებზე ზემოქმედება არ მოუხდენია“.
ჰაკერული თავდასხმის ობიექტი გახდა ასევე რუსული სანავთობო კომპანია „როსნეფტი“, ისევე როგორც დანიური საზღვაო გადაზიდვების გიგანტი A.P. Moller-Maersk-ი.
„ჩვენ საუბარი გვაქვს კიბერთავდასხმაზე“, განაცხადა კოპენჰაგენში ბაზირებული ჯგუფის წარმომადგენელმა, ანდერს როსენდალმა. „მან ზიანი მიაყენა ჩვენი ბიზნესის ყველა ფილიალს შინ და საზღვარგარეთ“.
როგორც Associated Press-ი იტყობინება, კომპანიების და სააგენტოების ერთი ნაწილი, გავრცელებული ცნობით, ისეთი ახალი ტიპის კიბერთავდასხმის მსხვერპლი გახდა, როცა კომპიუტერულ სისტემაში შეღწევის სანაცვლოდ ჰაკერები ფულს ითხოვენ და ელექტონული გააფთრება ჩანდა, რომ სწრაფად იზრდებოდა და მას ნამდვილი მსოფლიო კრიზისის პირი უჩანდა. ზიანი მიადგა როტერდამში კონტეინერმზიდი გემების სადგურებს, „როსნეფტმა“ კი განაცხადა, რომ კომპანიამ ძლივს დააღწია თავი დიდ ზარალს.
„ჰაკერული თავდასხმა სერიოზული შედეგების განმაპირობებელი იქნებოდა, მაგრამ არც ნავთობპროდუქცია და არც ტექნოლოგიები დაზიანებულა იმ ფაქტის წყალობით, რომ კომპანია სარეზერვო კონტროლის სისტემაზე გადაერთო“, განაცხადა „როსნეფტმა“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.