ამერიკის შეერთებული შტატების პრეზიდენტმა, დონალდ ტრამპმა თანხმობა განაცხადა საფრანგეთის პრეზიდენტის, ემანუელ მაკრონის მიწვევაზე დაესწროს 14 ივლისს, ბასტილიის დღისადმი მიძღვნილ ცერემონიას პარიზში. ინფორმაციას სააგენტო „როიტერსი“ თეთრ სახლზე დაყრდნობით ავრცელებს.
ორი ლიდერი ერთმანეთს სამშაბათს ესაუბრა და მაკრონმა ტრამპი ამ დროს მიიწვია. ტრამპი და მაკრონი პირველად ერთმანეთს მაისში, ბრიუსელში შეხვდნენ და მათი პირისპირ შეხევდრისას ხელის ჩამორთმევის ხანგრძლივობამ და უხერხულობის მომენტმა მსოფლიო მედიის ყურადღება მიიქცია.
ისინი ერთმანეთს თვალჩაციებით ჩასცქეროდნენ. მაკრონმა თავდაპირველად არ გაუშვა ტრამპს ხელი, როდესაც ეს უკანასკნელი ცდილობდა ხელის გაშვებინებას და ეს მანამ გაგრძელდა, სანამ შეერთებული შტატების პრეზიდენტი საბოლოოდ არ შეეცადა მისი ფრანგი კოლეგისგან მზერის და ხელის ერთდროულად მოცილებას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.