თერჯოლისა და ტყიბულის გაერთიანებული ოლქის მაჟორიტარი დეპუტატის, ელგუჯა გოცირიძის ძალისხმევით, სს „კავკასიის ქარის კომპანია“ საქართველოს ენერგეტიკის სამინისტროს დაკვეთით, ტყიბულის წყალსაცავის მიმდებარე ტერიტორიაზე ქარის ელექტროსადგურის პროექტის დამუშავებას იწყებს.
როგორც Guardian.ge-ს თერჯოლის მუნიციპალიტეტის გამგებლის მოვალეობის შემსრულებელმა, თემურ ქოჩიაშვილმა განუცხადა, საქართველოს მთავრობისა და სს „კავკასიის ქარის კომპანიას“ შორის გაფორმებული ურთიერთგაგების მემორანდუმით, ქარის ელექტროსადგურისათვის განსაზღვრულ არეალში თერჯოლის მუნიციპალიტეტიც მოხვდა.
(ფოტოზე, თემურ ქოჩიაშვილი - თერჯოლის მუნიციპალიტეტის გამგებლის მოვალეობის შემსრულებელი)
„პროექტი ითვალისწინებს ტყიბულისა და თერჯოლის მუნიციპალიტეტებში 30 ერთეული ქარის ელექტროსადგურის მშენებლობას, თითოეული 5 მგვტ სიმძლავრით. თერჯოლის მუნიციპალიტეტის სოფ. ზედა სიმონეთსა და ძევრში აშენდება 15 ქარის ელექტროსადგური, 75 მგვტ საერთო სიმძლავრით.
„შედარებისათვის: ძევრის ჰიდროელექტროსადგურის საერთო სიმძლავრე 4 ტურბინის მუშაობის შემთხვევაში 80 მგვტ-ია. ამდენად, ეს სერიოზული ობიექტია მუნიციპალიტეტის ინფრასტრუქტურაში", განაცხადა თემურ ქოჩიაშვილმა.
Guardian.ge-ს კითხვაზე, თუ რა სიკეთეს უნდა ელოდოს თერჯოლელი მოსახლეობა, ქოჩიაშვილი პასუხობს:
„როგორც მშენებლობის პერიოდში, ისე ექსპლუატაციაში მიღების შემდეგ, დამატებითი სამუშაო ადგილები გაჩნდება;
მშენებლობის მიმდებარე ტერიტორიაზე მოეწყობა ინფრასტრუქტურა;
აღნიშნულ სოფლებში სოციალურად დაუცველი ოჯახებისათვის ელექტროენერგიაზე დაწესდება შეღავათიანი ტარიფები;
მუნიციპალიტეტის ბიუჯეტის ადგილობრივი შემოსავლები მნიშვნელოვნად გაიზრდება".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.