საფრანგეთის შეიარაღებული ძალების ხელმძღვანელი პრეზიდენტ ემანუელ მაკრონთან საბიუჯეტო შემცირებების თაობაზე განხეთქილების გამო თანამდებობიდან გადადგა.
როგორც BBC იუწყება, გენერალმა პიერ დე ვილიერსმა მის მიერ გავრცელებულ განცხადებაში განმარტა, რომ იგი უკვე ვეღარ „იძლევა არმიის მოდელის სიმტკიცის გარანტიას“, რასც იგი საფრანგეთის დაცვის უზრუნველყოფის საჭიროებად მიიჩნევდა.
საფრანგეთის მთავრობამ გასულ კვირას მისი ბიუჯეტის დეფიციტის ევროკავშირის ლიმიტზე დაბლა შემცირებების გეგმა წარმოადგინა.
მაკრონმა განაცხადა, რომ ის ვერ იქნება შემწყნარებელი სამხედროებისგან მომდინარე განსხვავებული აზრისადმი.
„თუკი სამხედრო ძალების მეთაური და პრეზიდენტი რაიმეზე ეწინააღმდეგებიან ერთმანეთს, სამხედროების მეთაური მიდის“, უთხრა მაკრონმა, რომელიც როგორც პრეზიდენტი სამხედრო ძალების მთავარსარდალია, Le Journal du Dimanche-ს.
მაგრამ მან ასევე თქვა, რომ გენერალს მისი „სრული ნდობა“ ჰქონდა, იმდენად რამდენადაც მან „იცის სარდლობის ჯაჭვი და როგორ მუშაობს ის“.
გავრცელებული ინფორმაციით, გენერალმა დე ვილიერსმა განაცხადა, რომ პრეზიდენტს არ უნდა შეექმნა ამ საქმეზე მასთან დომხალი და BBC-ის ცნობით მან გაცილებით საგინებელი სიტყვა იხმარა.
გენერალმა 2017 წლის საფრანგეთის ბიუჯეტში თავდაცვისთვის 850 მილიონი ევროს შემცირება გააპროტესტა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.