მსოფლიოში დემენციით 47 მილიონი ადამიანი იტანჯება - კვლევამ აჩვენა, რომ 9 ცხოვრებისეული წესის შეცვლამ შესაძლოა დაავადების რისკი შეამციროს
20-07-2017, 05:04

შრიფტის ზომა: [ A+ ] / [ A- ]

ლანცეტის საერთაშორისო კვლევის თანახმად, ტვინის ამ დაავადების თავიდან ასაცილებლად ადამიანებმა უნდა იზრუნონ თავიანთი ტვინის ჯანმრთელობაზე.

 


როგორც BBC იტყობინება, კვლევაში აღნიშნულია ცხრა მთავარი რისკ-ფაქტორი - განათლების ნაკლებობის, სმენის დაკარგვის, სიგარეტის მოწევის და ფიზიკური პასიურობის ჩათვლით.

 


კვლევა ლონდონში, ალცჰეიმერის ასოციაციის საერთაშორისო კონფერენციაზეა წარმოდგენილი.

 


2050 წლისთვის, დედამიწაზე 131 მილიონი ადამიანი იქნება დემენციით (დემენცია - შეძენილი დაავადება, მეხსიერების და სხვა გონებრივი შესაძლებლობების დაქვეითება, რომელიც უმეტსწილად ხანდაზმულ ადამიანებში იჩენს თავს) დაავადებული.

 


სადღეისოდ, 47 მილიონი ადამიანი იტანჯება ამ დაავადებით.

 


„მიუხედავად იმისა, რომ დემენცია თავს იჩენს გვიან ასაკში, ტვინის ცვლილებები ვითარდება წლებით ადრე“, ამბობს ლონდონის უნივერსიტეტის კოლეჯის წამყვანი პროფესორი გილ ლივინგსტონი.

 


„ახლა მოქმედება დიდად გააუმჯობესებს დემენციით დაავადებული ადამიანების და მათი ოჯახების ცხოვრებას, და ამით, შეიცვლება საზოგადოების მომავალი“.

 


ეს მოხსენება, რომელზეც მუშაობდა 24 საერთაშორისო ექსპერტი, გვიჩვენებს, რომ ჩვენ ცხოვრების წესს შეუძლია დიდი როლი ითამაშოს დემენციის რისკის ზრდასა თუ შემცირებაში.

 


ქვემოთ ნაჩვენებია როგორ შეიძლება ცვლილებას დაქვემდებარებულმა ფაქტორებმა შეცვალოს დემენციის რისკი

 

• სმენის დაკარგვა საშუალო ასაკში - 9%

 

• საშუალო განათლების მიუღებლობა - 8%

 

• სიგარეტის მოწევა - 5%

 

• დეპრესია - 4%

 

• ფიზიკური პასიურობა - 3%

 

• საზოგადოებისგან განცალკევებულობა - 2%

 

• მაღალი არტერიული წნევა - 2%

 

• ჭარბწონიანობა - 1%


• მეორე ტიპის დიაბეტი - 1%

 

 

ეს ფაქტორები შეადგენს რისკის 35%-ს. დანარჩენი 65%-ის გაკონტროლება ცდება ადამიანთა შესაძლებლობებს. (წყარო: ლანცეტის დემენციის რისკების შემცირების, ინტერვენციის და კონტროლის კომიტეტი)

 


კვლევა შეისწავლის ‘შემეცნებითი მარაგის“ აგების უპირატესობებს. ‘შემეცნებითი მარაგი“ ნიშნავს ტვინის არხების გაძლიერებას იმისთვის, რომ ზიანის მიუხედავად გააგრძელოს ტვინმა ფუნქციონირება.

 


საშუალო განათლების მიუღებლობა იყო ძირითადი რისკ-ფაქტორი, და მეცნიერები ადასტურებენ, რომ ადამიანებს, რომლებიც აგრძელებენ განათლების მიღებას ცხოვრების მანძილზე, აქვთ შანსი დამატებითი მარაგების აგებისა.

 


ერთ-ერთი ძირითადი რისკ-ფაქტორი გახლდათ საშუალო ასაკში სმენის დაკარგვა. მკვლევარების თქმით, სმენის დაკარგვა იწვევს ცნობიერი გარემოს არქონას, რასაც მივყავართ საზოგადოებისგან იზოლაციამდე და დეპრესიამდე, რომლებიც დემენციის რისკ-ფაქტორებია.

 


ერთ-ერთი მთავარი ფაქტი ისაა, რომ რაც გულისთვისაა კარგი, ის ტვინისთვისაც კარგია.

 


სიგარეტის არ მოწევას, ფიზიკურ ვარჯიშს, წონის კონტროლს, მაღალი არტერიული წნევის კონტროლს და დიაბეტს შეუძლია დემენციის, კარდიოვასკულარული დაავადების და კიბოს რისკის შემცირება.

 


მკვლევარების თქმით, მათ არ ჰქონდათ საკმარისი მონაცემები დიეტის ან ალკოჰოლის ზემოქმედების აღსანიშნავად, თუმცა მიიჩნევენ, რომ ორივე ფაქტორი შესაძლოა იყოს მნიშვნელოვანი.

 


ალცჰეიმერის საზოგადოების კვლევის დირექტორმა, დოქტორმა დუგ ბრაუნმა განაცხადა: „დემენცია სადღეისოდ 21-ე საუკუნის ყველაზე დიდი მკვლელია. ჩვენ, ყველამ უნდა ვიცოდეთ რისკების შესახებ და დადებითი ცვლილებები შევიტანოთ ჩვენს ცხოვრებაში“.

 


ინგლისის ალცჰეიმერის კვლევის მთავარმა მეცნიერმა, დოქტორ დევიდ რეინოლდსმა განაცხადა: „ამ დაავადების რისკების შემცირების კვლევის გარდა, ჩვენ უნდა ვეძებოთ გზები, როგორ დავიხსნათ ამ დამანგრეველი დაავადებით უკვე დაავადებული ადამიანები“.

 

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

პრეზიდენტმა დონალდ ტრამპმა განაცხადა, რომ შეერთებული შტატების ნაჩქარევი გამოსვლა ავღანეთიდან ტერორისტებისთვის ცარიელ ადგილს დატოვებდა. მან თქვა, რომ მისი თავდაპირველი ინსტინქტი აშშ-ის ძალების გამოყვანა იყო, მაგრამ ამის ნაცვლად გადაწყვიტა დარჩენა და „გამარჯვებამდე ბრძოლა“, რომ თავიდან იყოს აცილებული ერაყში დაშვებული შეცდომები.

შეერთებული შტატების საიდუმლო სამსახური პრეზიდენტ დონალდ ტრამპის დიდი ოჯახისა და კერძო საკუთრებების სიმრავლის გამო საბიუჯეტო პრობლემებს განიცდის.

ყველაზე კითხვადი
  1. პრეზიდენტმა ტრამპმა განაცხადა, რომ ტრანსგენდერი ადამიანები ვერ იმსახურებენ „ვერც ერთ თანამდებობაზე“ აშშ-ის არმიაში
  2. მიხეილ სააკაშვილი: ქართველი ხალხი გამოვა ქუჩებში და გააძევებს ივანიშვილს, როგორც კი მე გამოვჩნდები თბილისში
  3. ნიკა მელიამ მაიკ პენსს უთხრა: „ბატონო ვიცე-პრეზიდენტო, ხელისუფლება იმართება ‘გაზპრომის’ აქციონერის, ბიძინა ივანიშვილის მიერ, რომელსაც არ უკავია არავითარი ოფიციალური თანამდებობა“
  4. ამერიკის შეერთებული შტატები მთელი რუსეთის მასშტაბით აჩერებს არასაემიგრაციო ვიზების გაცემას
  5. ალექსეი სტოლიაროვმა განაცხადა, რომ მინისტრ მღებრიშვილთან სააკაშვილზე ჩაწერილი სატელეფონო საუბარი ნამდვილია და ის „შეუძლია გადასცეს ნებისმიერ ექსპერტიზას“
  6. ოფიციალურმა ფხენიანმა განაცხადა, რომ აშშ-ის ტერიტორიაზე რაკეტების დარტყმის გეგმა „აგვისტოს შუა პერიოდისთვის“ იქნება მზად
  7. პრეზიდენტმა ტრამპმა განაცხადა, რომ ნებისმიერ ფასად უნდა შეჩერდეს რადიკალური ისლამისტური ტერორიზმი
  8. ლადო პაპავა ჯეჯელავას წინააღმდეგ: „გასაგებია, რომ პრემიერ მინისტრი კრონიზმის სენითაა დაავადებული, მაგრამ „ქართულ ოცნებას“ ხომ ჰყავს სხვა ლიდერებიც, მათ რაღა დაემართათ?“
  9. სერგეი ლავროვმა განაცხადა, რომ ჩრდილოეთ კორეის სამხედრო კონფლიქტის ალბათობა ძალიან მაღალია
  10. კიმ ჩენ ინმა აშშ-ის ტერიტორიის, გუამის მიმართულებით რაკეტების გაშვების გადაწყვეტილება გადადო
ბოლო სიახლეები
ამინდის პროგნოზი
ვალუტის კურსი