საქართველოს პრემიერ მინისტრი გიორგი კვირიკაშვილი ბათუმში 13-14 ივლისს, ჩატარებულ საერთაშორისო კონფერენციას - „საქართველოს ევროპული გზა - თანამშრომლობა რეგიონული სტაბილურობისთვის" წარმატებულს უწოდებს და მისი ორგანიზებისთვის სახელმწიფო მინისტრს ევროპულ და ევროატლანტიკურ სტრუქტურებში ინტეგრაციის საკითხებში ვიქტორ დოლიძეს მადლობას უხდის.
აღნიშნულ ინფორმაციას პრემიერ მინისტრის პრესსამსახური ავრცელებს.
როგორც გიორგი კვირიკაშვილმა მთავრობის დღევანდელ სხდომაზე განაცხადა, არც ერთი დღემდე ჩატარებული კონფერენცია ასეთი მასშტაბის არ ყოფილა.
მთავრობის მეთაურის შეფასებით, ძალიან კარგია, რომ კონფერენცია ჩატარდა ევროკავშირის საბჭოს თავმჯდომარე ქვეყნის ესტონეთისა და ლენარტ მერის კონფერენციის თანამონაწილეობით.
„ვფიქრობ, ეს იყო ძალიან მნიშვნელოვანი ჩვენი ქვეყნისთვის, იქიდან გამომდინარე, რომ ამ კონფერენციაზე ასევე შედგა ძალიან მნიშვნელოვანი დიალოგი ახალი თანამშრომლობის ფორმებზე აღმოსავლეთ პარტნიორობის ქვეყნებთან მიმართებაში. ხელი მოეწერა მნიშვნელოვან ხელშეკრულებებს, მათ შორის, ევროპის საინვესტიციო ბანკთან (EIB) 250 მილიონი ევროს დაფინანსების თაობაზე; ასევე - ევროპის რეკონსტრუქციისა და განვითარების ბანკთან (EBRD), რომელიც გამოყოფს რესურსებს აჭარაში, ბათუმისთვის 30 ახალი ავტობუსის შესაძენად. აქედან გრანტი იქნება 1.5 მლნ ევრო და 5.5 მილიონი ევრო არის საკრედიტო დაფინანსება. ნაწილი იქნება ელექტროავტობუსები, რაც სიახლეა ჩვენს ქვეყანაში. ვფიქრობ, მომავალში უფრო მეტი აქცენტი გაკეთდება ეკოლოგიურად სუფთა ტრანსპორტის მიმართულებით", განაცხადა პრემიერ მინისტრმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.