დავით ნარმანიამ ივნისში თბილისის მერიასა და გამგეობებში 600-ზე მეტი ადამიანი ერთ დღეში ხელმოწერილი ბრძანებების საფუძველზე დაასაქმა. ინფორმაციას სამაუწყებლო კომპანია „რუსთავი 2“ ავრცელებს, რომელიც ირწმუნება, რომ „კურიერმა“ თბილისის მერის ხელმოწერილი ორი განკარგულება მოიპოვა.
ტელეკომპანიის ცნობით, დასაქმებულების მინიმალური ხელფასი 1250 ლარია, მაქსიმალური კი 5625 ლარამდეც კი აღწევს, რაც დედქალაქის მერის ხელფასზე უფრო მაღალია.
„რუსთავი 2“-ის ინფორმაციით, დოკუმენტებით დგინდება, რომ თბილისის მერმა დასაქმებული ადამიანების ვინაობა საკრებულოს წევრებსაც კი დაუმალა. დოკუმენტებში მხოლოდ თანამშრომლების ხელფასები წერია, თუმცა მათ მონაცემები წაშლილია.
„რუსთავი 2-ის“ მიერ მოპოვებული კიდევ ერთი სკანდალური დოკუმენტით ირკვევა, რომ დავით ნარმანიას მედეგობის საკითხებში მრჩეველი ეყოლება, რომელსაც ყოველთვიურად 5,200 ლარს გადაუხდის, რაც იმას ნიშნავს, რომ თბილისის მერის მრჩეველს მერზე უფრო მეტი ხელფასი ექნება. ახალი მაღალანაზღაურებადი მრჩევლის ვინაობას ნარმანია არ ასახელებს, ოფიციალურ დოკუმენტებში არც მისი ვინაობა წერია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.