ორი ადამიანია მოკლული და სამს სერიოზული დაზიანებები აქვს მიღებული გერმანიის ქალაქ კონსტანსში ღამის კლუბში მომხდარი სროლების შედეგად. ინფორმაციას ამ წუთებში BBC ავრცელებს.
მამაკაცმა ცეცხლი კვირას, ადგილობრივი დროით 04:30 საათზე გახსნა და ერთი ადამიანი მოკლა. ამის შემდეგ შეიარაღებულ მამაკაცს პოლიციამ გაუხსნა ცეცხლი. თავდამსხმელი მიყენებული ჭრილობების შედეგად მოგვიანებით საავადმყოფოში გარდაიცვალა.
პოლიციის ცნობით, ღამის კლუბის სტუმრებმა თავს გაქცევით უშველეს.
ურთიერთსროლებისას ასევე დაიჭრა ერთი პოლიციელი. პოლიციის ოფიცრის დაზიანებები სავარაუდოდ, სიცოცხლესთან შეუთავსებელი არ არის.
დანაშაულის ჩადენის მოტივი ამ დრომდე უცნობია.
პოლიციამ და პროკურატურამ ერთობლივ განცხადებაში თქვა, რომ ქალაქში მებრძოლი დესანტები და პოლიციის ვერტმფრენი განალაგეს, რადგან არ იყო ცნობილი, ჰყავდა თუ არა ეჭვმიტანილს თანამზრახველები.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.