ავღანეთის ქალაქ ჰერატში მეჩეთში მომხდარმა აფეთქებამ სულ მცირე 30 ადამიანის სიცოცხლე იმსხვერპლა, დაჭრილია ათეულობით სხვა მოქალაქე. ინფორმაციას ბრიტანული სამაუწყებლო კორპორაცია (BBC) ავრცელებს.
ჯავადიას მეჩეთში აფეთქება სამშაბათ საღამოს ლოცვების დროს, ადგილობრივი დროით დაახლოებით 20:00 საათზე განხორციელდა.
ოფიციოზმა განაცხადა, რომ თავდამსხმელები თვითმკვლელი ტერორისტი და მასთან ერთად მყოფი შეიარღებული პირი იყვნენ და ორივე მათგანი ლიკვიდირებულია.
„როიტერსი“ ადგილობრივ პოლიციაზე დაყრდნობით წერს, რომ თავდასხმისას ყუმბარებიც გაისროლეს.
ადგილობრივი გუბერნატორის წარმომადგენლის განცხადებით, თვითმკვლელმა თავდამსხმელმა ცეცხლი გახსნა მეჩეთის შიგნით, სანამ აამოქმედებდა ასაფეთქებელ მოწყობილობას.
მან BBC-ს უთხრა, რომ დაზიანებები აქვს მიღებული დაახლოებით 30 ადამიანს და მოსალოდნელია, რომ მსხვერპლის რიცხვი გაიზარდოს.
თავდაპირველად ვრცელდებოდა ინფორმაცია, რომ მსხვერპლის რაოდენობა დაახლოებით 20-ს შეადგენდა, თუმცა მეზობელი ირანის სახელმწიფო ტელევიაზიამ ერთ-ერთმა პირველმა გაავრცელა ცნობა, რომ სულ მცირე 30 ადამიანი იყო მოკლული და 50 დაჭრილი და ინციდენტში 7 შეიარაღებული პირი იყო ჩართული.
ადგილობრივ ავღანურ წყაროებს თავიდან აღნიშნული ინფორმაცია არ დაუდასტურებიათ, იუწყება BBC.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.