გურჯაანის მუნიციპალიტეტის გამგეობაში პოლიციის თანამშრომლები არიან მობილიზებული. ამ წუთებში გამგებლის, გივი გერგიძის კაბინეტში პილიციის ათამდე თანამშრომელი იმყოფება. გამგებლის კაბინეტში ჟურნალისტებს არ უშვებენ.
პოლიციის გამოძახების შემდეგ, გამგებელმა მოქალაქეთა მიღება შეწყვიტა. გამგეობაში პოლიცია გივი გერგიძემ მას შემდეგ გამოიძახა, რაც მოქალაქეთა მიღებაზე დასწრების სურვილი “ნაციონალური მოძრაობის” მიერ ახლად შექმნილი ”ანტიკორუფციული კომისიის” წევრებმა გამოთქვეს.
“ნაციონალურმა მოძრაობამ” გურჯაანში გამგებლის “კორუფციული საქმიანობის” შემსწავლელი კომისია შექმნა. პარტიის წევრები, აქტივისტებთან ერთად, დღეიდან გურჯაანის მუნიციპალიტეტის საკრებულოსა და გამგეობის მუშაობას ადგილზე გააკონტროლებენ. ამის შესახებ განცხადება გურჯაანის მაჟორიტარმა დეპუტატმა, გიორგი ღვინიაშვილმა გურჯაანში ანტიკორუფციული კომისიის პირველ სხდომაზე გააკეთა.
ღვინიაშვილის თქმით, “ნაციონალური მოძრაობა” ადგილობრივი ხელუსუფლების საქმიანობას საქართველოს ყველა რეგიონში შეისწავლის.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.