ამერიკის შეერთებული შტატების სახელმწიფო მდივანი რექს ტილერსონი მანილაში, სადაც სამხრეთ აზიის ქვეყნების სახელმწიფოთა ასოციაციის რეგიონული ფორუმი იმართება, მის რუს კოლეგასთან, რუსეთის საგარეო საქმეთა მინისტრ სერგეი ლავროვთან მოლაპარაკებებს მართავს. ინფორმაციას რუსლი ახალი ამბების სააგენტო „ინტერფაქსი“ ავრცელებს.
რუსეთის და აშშ-ის დიპლომატიური უწყებების პირველი პირები პირველად ხვდებიან ერთმანეთს მას შემდეგ, რაც პრეზიდენტმა ტრამპმა უხალისოდ მოაწერა ხელი კონგრესის ორივე პალატის მიერ ერთსულოვნად მიღებულ და თეთრ სახლში მასთან გადაგზავნილ რუსეთის მიმართ ეკონომიკური სანქციების კანონპროექტს, რასაც კრემლმა რუსეთთან სრულმასშტაბიანი სავაჭრო ომი უწოდა და აშშ-რუსეთის ურთიერთობების გაუმჯობესების იმედები გააცამტვერა.
მანილაში მიმდინარე ფორუმს ჩრდილოეთ კორეის საგარეო საქმეთა მინისტრი რი იონგ-ჰოც ესწრება, მაგრამ აშშ-ის ოფიციალური პირების განცხადებით, მისი და ტილერსონის ორმხრივი შეხვედრის გეგმა არ არსებობს, მიუხედავად იმისა, რომ ფხენიანის ბირთვული და სარაკეტო პროგრამები, მოელიან, რომ ფორუმის განხილვის ერთ-ერთი მთავარი თემა იქნება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.