ადამიანი, რომელმაც პირველმა გააცოცხლა მსოფლიოში ცნობილი გიგანტური გოძილა, გარდაიცვალა. ამის შესახებ BBC ფილმის კომპანიაზე დაყრდნობით იუწყება.
ჰარუო ნაკაძიმა, რომელიც ატარებდა გოძილას კოსტუმს 12 ფილმში, ორშაბათს, 88 წლის ასაკში პნევმონიით გარდაიცვალა.
მიმდინარე წლის ინტერვიუში, ნაკაძიმამ ახსნა როგორ შეიქმნა 1954 წლის კოსტუმი მსუბუქ-ნარევი ცემენტისგან, რომელიც 100 კილოგრამზე მეტს იწონიდა.
მან თქვა, რომ ის როლისთვის მოსამზადებლად ზოოპარკში ბინადარ ცხოველებს აკვირდებოდა.
ნაკაძიმამ კარიერა ნინძას როლით დაიწყო აკირა კუროსავას ფილმში „შვიდი სამურაი“.
ნაკაძიმამ პირველად გოძილას როლი 1954 წელს შეასრულა ფილმში „გოძილა“, რომლის რეჟისორიც იშირო ჰონდა გახლდათ.
მას ასევე ნათამაშები აქვს კინგ-კონგის, როდანის და მოთრას როლები.
მისი ბოლო ფილმი გოძილას კოსტუმში 1972 წელს გამოვიდა (გოძილა გიგანის წინააღმდეგ).
მას შემდეგ გოძილაზე მრავალი ფილმი გადაიღეს და იგი დღესაც პოპულარობით სარგებლობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.