ავღანეთში „მტკიცე მხარდაჭერის“ მისიის შესრულების დროს, გმირულად დაღუპული სამხედრო მოსამსახურე, უმცროსი სერჟანტი მდინარი ბებიაშვილი ხუთშაბათს ზესტაფონის რაიონის სოფელ მარტოთუბანში სამხედრო პატივით დაკრძალეს.
ქალაქ ზესტაფონში, ღვთისმშობლის მიძინების საკათედრო ტაძარში გამართულ სამოქალაქო პანაშვიდსა და დაკრძალვის ცერემონიას საქართველოს თავდაცვის მინისტრი, ლევან იზორია დაესწრო. მინისტრმა დაღუპულის ოჯახს კიდევ ერთხელ მიუსამძიმრა, მისი გარდაცვალების გამო ღრმა მწუხარება გამოთქვა და აღნიშნა, რომ უმცროსმა სერჟანტმა, მდინარი ბებიაშვილმა თავი საქართველოს ინტერესებს შესწირა.
სამხედრო მოსამსახურის ოჯახს გენერალური შტაბის უფროსმა, გენერალ-მაიორმა ვლადიმერ ჩაჩიბაიამ, საქართველოში ნატოს სამეკავშირეო ოფისის ხელმძღვანელმა, უილიამ ლაჰიუმ, პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა, თავდაცვის უწყების სხვა ხელმძღვანელმა პირებმა და II ქვეითი ბრიგადის პირადმა შემადგენლობამაც მიუსამძიმრა.
II ქვეითი ბრიგადის 23-ე ქვეითი ბატალიონის უმცროსი სერჟანტი მდინარი ბებიაშვილი 3 აგვისტოს, ავღანეთის ისლამურ რესპუბლიკაში, ბაგრამის საავიაციო ბაზის მიმდებარე ტერიტორიაზე პატრულირებისას, მომხდარი თავდასხმის შედეგად დაიღუპა. ის საქართველოს შეიარაღებულ ძალებში 2010 წლიდან მსახურობდა, ავღანეთში, ISAF-ის მისიაში ორჯერ, 2012 და 2014 წლებში მონაწილეობდა, მიღებული აქვს მედლები „სამშვიდობო ოპერაციებში“ მონაწილეობისთვის.
ინფორმაციას საქართველოს თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.