ზიმბაბვეს პირველი ლედი გრეის მუგაბე სამხრეთ აფრიკის სასამართლოში სამშაბათს, მოგვიანებით გამოცხადდება მას შემდეგ, რაც გავრცელებული ცნობებით, მან იოჰანესბურგის სასტუმროში 20 წლის მოდელს ფიზიკური შეურაცხყოფა მიაყენა.
როგორც BBC იუწყება, 52 წლის პირველ ლედის 20 წლის ქალი ბრალს სდებს იმაში, რომ ქალბატონმა მუგაბემ მას სახეში გაარტყა. ახალგაზრდა მოდელმა სოციალურ მედიაში თავისი ფოტო გამოაქვეყნა, სადაც ჩანს, რომ თავის არეში დაზიანება აქვს მიღებული.
სამხრეთ აფრიკის შინაგან საქმეთა მინისტრმა ფიკილე მბალულამ ჟურნალისტებს განუცხადა: „იგი არ არის დაპატიმრებული, რადგან თანამშრომლობს სამართალდამცველებთან და თავად გამოცხადდა პოლიციაში“.
გავრცელებული ინფორმაციით თავდასხმა, რომლის მიზეზიც უცნობია, კვირა საღამოს მოხდა.
ზიმბაბვეს ინფორმაციის მინისტრმა კრისტოფერ მუშოვემ BBC-ს განუცხადა, რომ იგი ბრალდებებთან დაკავშირებით საქმის კურსში არ იმყოფება.
ზიმბამბვეს მედიის ცნობით, ქალბატონი მუგაბე სამხრეთ აფრიკაში, გასულ თვეს საგზაო შემთხვევისას დაზიანებული კოჭის სამკურნალოდ იმყოფებოდა, როცა სავარაუდო თავდასხმას ჰქონდა ადგილი.
რადგანაც ზიმბაბვეს პირველი ლედი სამხრეთ აფრიკაში კერძო ვიზიტად იმყოფება, შესაძლოა მას დიპლომატიური იმუნიტეტი არ იცავდეს.
ქალბატონ მუგაბეს ჯერჯერობით კომენტარი არ გაუკეთებია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.