აშშ-ის პრეზიდენტმა გააუქმა წესები, რომელიც წყალდიდობისკენ მიდრეკილ ადგილებში მთავრობის მიერ დაფინანსებულ სამშენებლო პროექტებზე გარემოსდაცვით განხილვებს და შეზღუდვებს ეხებოდა, რაც ამერიკის შეერთებული შტატების მოძველებული ინფრასტრუქტურის გასაახლებლად ტრამპის 1 ტრილიონ აშშ დოლარის დახარჯვის გეგმის ნაწილია.
როგორც სააგენტო „როიტერსი“ წერს, ტრამპის ბოლო საპრეზიდენტო განკარგულება დააჩქარებს ნებართვების გაცემას ავტომაგისტრალების, ხიდების, ნავთობსადენების და სხვა მთავარი სამშენებლო მიმართულებებით. ის აუქმებს ობამასდროინდელ საპრეზიდენტო განკარგულებას, რომელიც სამშენებლო სფეროში, ზღვის დონის ზრდისა და კლიმატის ცვლილებებისაგან გამოწვეული სხვა შედეგების ასპექტებს ითვალისწინებდა.
„ეს იქნება ძალიან სწრაფი, გამარტივებული და დაჩქარებული პროცედურა. და ყოველი შემთხვევისთვის, თუკი ის არ შეესაბამება გარემოსდაცვით უსაფრთხოების ზომებს, ჩვენ არ დავამტკიცებთ მას - ძალინა მარტივია“, განაცხადა აშშ-ის პრეზიდენტმა ნიუ იორკში „ტრამპ თაუერში“ სამშაბათს გამართულ პრესკონფერენციაზე.
ბიზნეს ჯგუფები რეგულაციების გამარტივებას და დაჩქარებული წესით ნებართვების გაცემას მიესალმნენ, მაშინ როცა გარემოსდაცვით საკითხებზე მომუშავე ორგანიზაციებმა გააკრიტიკეს პრეზიდენტის განკარგულება, განაცხადეს რა, რომ ეს „კლიმატურ კატასტროფას“ გამოიწვევს.
პრეზიდენტის ადმინისტრაცია 200 მილიარდ სამთავრობო თანხას წარმოადგენს 10 წლის განმავლობაში იმ მიზნით, რომ 1 ტრილიონი საზოგადოებრივი და კერძო ინფრასტრუქტურის ხარჯები მიიღოს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.