დიდი ბრიტანეთის პრემიერ მინისტრმა, ტერეზა მეიმ ოთხშაბათს განაცხადა, რომ არ ყოფილა ეკვივალენტურობა ფაშისტებსა და მათ შორის, ვინც მათ ეწინააღმდეგებოდა - იშვიათი საყვედური, როგორც ამას „როიტერსი“ წერს, შეერთებული შტატების პრეზიდენტის, დონალდ ტრამპის, მისი ერთ-ერთი ყველაზე უახლოესი უცხოელი მოკავშირისაგან.
საუბარი ეხება ვირჯინიის ქალაქ შარლოტსვილში თეთრკანიანთა უპირატესობის მომხრეთა მიერ მოწყობილ არეულობებზე ტრამპის მიერ გაკეთებულ შეფასებას, სადაც მან ძალადობაში ორივე მხარე თანაბრად დაადანაშაულა.
„არ არის ეკვივალენტობა, მე ვერ ვხედავ ეკვივალენტობას მათ შორის, ვინც გვთავაზობს ფაშისტურ შეხედულებებს და მათ შორის, ვინც ეწინააღმდეგება მათ და მე ვფიქრობ,
მნიშვნელოვანია,თანამდებობაზე მყოფმა ყველა პასუხისმგებლობის მქონე პირმა დაგმოს ულტრა-მემარჯვენე შეხედულებები, სადაც არ უნდა მოვისმინოთ ისინი“, განუცხადა მეიმ ჟურნალისტებს ტრამპის პოზიციის კომენტირებისას.
ტრამპის მიერ შარლოტსვილის ძალადობაზე გაკეთებულმა შეფასებამ ტრამპის დიდ ბრიტანეთში სახელმწიფო ვიზიტის გაუქმების შესახებ საუბრები განაახლა.
„სრულიად მცდარი იქნებოდა ამ კაცის [ტრამპის] სახელმწიფო ვიზიტად დიდ ბრიტანეთში ჩამოსვლა“, განაცხადა ოპოზიციური ლიბერალ-დემოკრატიული პარტიის ლიდერმა, ვინს ქეიბლმა.
ტერეზა მეიმ დედოფლის მიერ ბრიტანეთში სახელმწიფო ვიზიტად მოწვევის თაობაზე ტრამპს მიმდინარე წლის დასაწყისში ვაშინგტონში სტუმრობისას მოახსენა, თუმცა თარიღი ჯერაც არ არის დადგენილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.