ლანჩხუთის მუნიციპალიტეტის სოფელ ჩიბათთან გამთენიისას მომხდარ ავტოსაგზაო შემთხვევას ხუთი ადამიანის სიცოცხლე ემსხვერპლა. დაღუპულები, რომელთა შორის ერთი მცირეწლოვანი ბავშვია, ერთი ოჯახის წევრები არიან. ინფორმაციას „რუსთავი 2“ ავრცელებს.
თვითმხილველების ინფორმაციით, სატვირთო ავტომანქანას, ე.წ. ტრაილერს მისაბმელი მოსწყდა, რომელიც საპირისპირო მიმართულებით მოძრავ მსუბუქ ავტომობილს შეეჯახა, რის შედეგადაც ხუთი ადამიანი დაიღუპა.
ავტოავარიას მსუბუქ ავტომანქანაში მყოფი ერთი ადამიანი გადაურჩა. იგი საავადმყოფოშია გადაყვანილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.