თორმეტი ადამიანი დაიღუპა, 20 ადამიანის გადარჩენა მოხერხდა, ხოლო სამის ბედი გაურკვეველია, ავტობუსის წყალში ჩავარდნის შემდეგ - რუსეთში, ტემრიუკის რაიონში, კრასნოდარის მხარეში.
ინფორმაციას „რია ნოვოსტი“ ავრცელებს.
„რაიონის დასახლებულ პუნქტ ვალნაში, ავტობუსის წყალში ჩავარდნის შედეგად, ამ დროისთვის არსებული მომაცემებით, 12 ადამიანი დაიღუპა“, განუცხადა სააგენტოს რეგიონის საგანგებო სამსახურის წარმომადგენელმა.
წყაროს განცხადებით, 20 ადამიანის გადარჩენა მოხერხდა, ხოლო სამის ბედი უცნობია. მისივე ინფორმაციით, ავტობუსმა მოძრაობის წესები დაარღვია და წყალში 4 მეტრის სიმაღლიდან გადავარდა.
დამატებითი დეტალები ზუსტდება. შემთხვევის ადგილისკენ მაშველები გაიგზავნა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.