სულ მცირე 23 ადამიანია მოკლული ძალადობრივი პროტესტისას ჩრდილოეთ ინდოეთში პოპულარული რელიგიური ლიდერის მიმართ გაუპატიურების ბრალდებით მსჯავრის დადების გამო.
როგორც BBC იუწყება, გარდაცვლილები გურმიტის რამ რაჰიმ სინგჰის მიმდევრები არიან. გაბრაზებული მხარდამჭერები ქალაქ პანჩუკაში, ჩანდიღარის მახლობლად გამძვინვარებული ფორმით აქციებს მართავდნენ.
პოლიციის განცხადებით, სინგჰის მიმდევარებიდან დაახლოებით 2,500 ადამიანი დააპატიმრეს. პარასკევს გამოცხადებულ განაჩენამდე სინგჰის მიმდევრებიდან 200, 000-ზე მეტმა მოიყარა თავი ჩანდიღარის მიდამოებში.
50 წლის სინგჰი, რომელიც აცხადებს, რომ მილიონი მიმდევარი ჰყავს, მისი 2002 წელს ჩამოყალიბებული სექტის, „დერა საჩა საუდას“ შტაბ-ბინაში ორი ქალის გაუპატიურების ბრალდებით იქნა გასამართლებული.
სასამართლოს მიმდებარედ, სადაც განაჩენი იქნა გამოტანილი, ათასობით ჯარისკაცი, პოლიციელი და გასამხედროებული ძალები იქნა განლაგებული. მათ ცრელსადენი გაზი და წყლის ჭავლი გაუშვეს პროტესტანტების მიმართულებით, რათა კონტროლი აღედგინათ. რეგიონის პოლიციის მეთაურის თქმით, ძალადობრივი გამოსვლა ახლა კონტროლს ექვემდებარება.
შტატ პენჯაბის გასწვრივ და ქალაქ ჩანდიღარის ზოგიერთ ნაწილში კომენდანტის საათი გამოცხადდა. მღელვარებას დედაქალაქ დელიშიც ჰქონდა ადგილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.