გარდაიცვალა „ჩრდილოეთ კავკასიის კურორტების“ გენერალური დირექტორი ოლეგ გორჩევი. ამის შესახებ კომპანიის პრესსამსახურში განაცხადეს.
„ჩვენ ვადასტურებთ კომპანიის გენერალური დირექტორის, ოლეგ გორჩევის სიკვდილს, უახლოეს პერიოდში ვებგვერდზე განთავსდება ნეკროლოგი“, განაცხადა კომპანიის წარმომადგენელმა და დაამატა, რომ სიკვდილის მიზეზები ჯერჯერობით უცნობია.
სამართალდამცავ ორგანოებში „რია ნოვოსტის“ განუცხადეს, რომ გორჩევის სხეულის დათვალიერებისას ძალადობრივი კვალი არ გამოვლენილა.
უფრო ადრე, შინაგან საქმეთა სამინისტროს მოსკოვის სამმართველოს პრესსამსახურში დაადასტურეს მასმედიით გავრცელებული ინფორმაცია იმის შესახებ, რომ წითელგვარდიელთა შესახვევის პირველ საცხოვრებელ კორპუსში ნაპოვნია მამაკაცის ცხედარი, თუმცა გარდაცვლილის ვინაობა არ დაუკონკრეტებიათ.
გორჩევი 1976 წელს კიევში დაიბადა. მან „ეკონომიკის უმაღლესი სკოლა“ ეკონომისტის სპეციალობით დაამთავრა. იგი „ჩრდილოეთ კავკასიის კურორტების“ კომპანიას 2014 წლიდან ხელმძღვანელობდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.