"ლეიბორისტული პარტიის" ლიდერმა შალვა ნათელაშვილმა ბიძინა ივანიშვილის ორგანიზაცია "მოქალაქის" დაფუძნება გააპროტესტა. ნათელაშვილი სასტუმრო "რედისონთან" ორგანიზაციის პრეზენტაციაზე მივიდა და ბიძინა ივანიშვილს სიმბოლურად 41 შეკითხვა შეუგზავნა.
შალვა ნათელაშვილის შეფასებით, "მოქალაქე" არის გადაგდება N2 ". როგორც "ლეიბორისტული პარტიის" ლიდერმა აღნიშნა, ბიძინა ივანიშვილმა ჯერ პრემიერობის დროს "გადააგდო" ქართველი ხალხი და "მოქალაქის" დაარსება მისი მეორე სპექტაკლი იქნება სახელწოდებით - "გადაგდება N2".
"ლეიბორისტული პარტიის 41 შეკითხვა ბიძინა ივანიშვილთან კი ასე გამოიყურება:
1. იყო თუ არა ხელისუფლებაში მოსვლა, საქართველოს ხელში ჩაგდება თქვენთვის ბიზნეს-პროექტი და რამდენ მილიარდიანი მოგება ნახეთ ამ აფიორით?
2. რამდენი მილიარდით აფინანსებდით სააკაშვილის ძალადობრივ რეჟიმს?
3. რატომ არ იღებთ საქართველოს მოქალაქეობას?
4. იყო თუ არა პასუხისმგებლობის არიდება და დანაპირებების არშესრულება მიზეზი პრემიერ-მინისტრობიდან ფორმალურად თქვენი გადადგომისა და თანამდებობებზე თქვენს მიერ მართული პირების დანიშვნისა?
5. რატომ ვერ დაალაგე დაპირებული ურთიერთობა რუსეთთან და რატომ იღობება ტერიტორია ყოველდღიურად?
6. რატომ დატოვე უცვლელად წინა რეჟიმის დრაკონული კანონმდებლობა?
7. რატომ გააყალბე საპრეზიდენტო არჩევნები და თუ ასე არაა, რატომ არ დაუშვით ბიულეტენების ხელახალი გადათვლა?
8. რატომ გადაიბარეთ წინა ხელისუფლების ოლიგარქები ბეჟუაშვილები, ნაყოფიები, ჭყონიები, ჩხარტიშვილები, ხაზარაძეები და სხვები. რატომ აგრძელებინებთ ქვეყნის ძარცვას და რატომ არ დაუბრუნეთ მათ მიერ მოპარული ქონება ხალხს?
9. რატომ გრძელდება უკანონო მოსმენები?
10. რატომ არ გახსენით 100 დანაპირები ქარხანა-საწარმოდან თუნდაც ერთი?
11. დაპირებისამებრ რატომ არ იქმნება ახალი სამუშაო ადგილები და პირიქით მცირდება?
12. რატომ არ გაანახევრეთ დაპირებისამებრ გაზისა და დენის ტარიფი?
13. რატომ შეინარჩუნეთ საწვავზე მონოპოლია და დაპირებისამებრ რატომ არ გააიაფეთ?
14. რა ინტერესები გაგაჩნიათ ფარმაცეტიულ ბიზნესში და დაპირებისამებრ რატომ არ გააიაფეთ წამლებზე ფასი.
15. გადაუდებელი ოპერაციები და მკურნალობა რატომ არ გახადეთ უფასო გაჭირვებული მოსახლეობისათვის?
16. დაპირებისამებრ რატომ არ ფინანსდება სრულად ონკოლოგიურ დავადებათა მკურნალობა?
17. რატომ არ ფინანსდება დაპირებისამებრ გულ-სისხლძარღვთა დაავადების მკურნალობა? სტენტირებისა და შუნტირების პროგრამა?
18. დაპირებისამებრ რატომ არ ფინანსდება ტუპერკულიოზის პროგრამა?
19. დაპირებისამებრ რატომ არ ფინანსდება დიალიზისა და თირკმლის გადანერგვის პროგრამა?
20. რატომ არ გაიხსნა დაპირებისამებრ სოფლებში ამბულატორიები?
21. დაპირებისამებრ რატომ არ გაიზარდა მედ- პერსონალის ხელფასები?
22. რატომ არ დაუნიშნე შემწეობა მრავალშვილიან ოჯახებს?
23. რატომ არ გახადე პენსია დაპირებისამებრ 220 ლარი?
24. რატომ არ გაზარდე საარსებო მინიმუმი დაპირებისამებრ 250 ლარამდე?
25.დაპირებისამებრ რატომ არ გაორმაგდა სიღატაკის ზღვარს ქვემოთ მყოფი ადამიანების შემწეობა?
26. რატომ არ ჩადეთ დაპირებისამებრ სოფლისმეურნეობის განვითარებაში 1 მილიარდი და რატომ არ გაიცემა ფერმერებსა და გლეხებზე დაპირებული უპროცენტო გრძელვადიანი სესხები?
27. რატომ არ ჩაიბარა დაპირებისამებრ მთავრობამ გლეხებისაგან მოწეული პროდუქცია და არ გადაუხადა შესაბამისი საფასური?
28.რატომ არ შეიქმნა ადგილებზე დაპირებული მანქანა-ტრაქტორების სადგურები და რატომ არ რიგდება გლეხებზე უფასოდ დაპირებული შხამ-ქიმიკატები?
29.რატომ მოატყუეთ იპოტეკით დაზარალებულები და დაპირებისამებრ არ გამოუყავით გრძელვადიანი დაბალპროცენტიანი სესხები?
30. რატომ არ აღდგა სოფლებსა თუ თემებში უფასო ბაგა-ბაღები?
31.რატომ არ დაიწყო სოფლებისათვის დაპირებული სკოლების მშენებლობა?
32.რატომ არ გაუქმდა ან შემცირდა სახელმწიფო უმაღლეს სასწავლებლებში სტუდენტებისათვის სწავლის საფასური?
33.რატომ არ აღუდგათ საფასურის გადაუხდელობის გამო შეწყვეტილი სტატუსი სტუდენტებს?
34.რატომ არ აღდგა სამსახურში წინა ხელისუფლების დროს პოლიტიკური ნიშნით განთავისუფლებული პედაგოგები და რატომ წაართვით მეცამეტე ხელფასი მასწავლებლებს.
35.რატომ არ გაიცემა მცირე და საშუალო ბიზნესისათვის დაპირებული დაბალპროცენტიანი სესხები?
36.რატომ არ უბრუნდებათ წინა ხელისუფლების დროს დაზარალებულ მოქალაქეებს წართმეული ქონება?
37.რატომ გაირღვა ბიუჯეტი მილიარდი ლარით?
38.რატომ იღებს თქვენი მთავრობა რამდენიმე მილიარდიან ვალს?
39.რატომ გაურიგდით და შეხვედით კოჰაბიტაციაში ნაციონალურ მოძრაობასთან?
40.რატომ მიეცით მიხეილ სააკაშვილს ხელშეუხებლობის გარანტია და გაპარეთ ქვეყნიდან?
41. და ბოლოს, გრძნობთ თუ არა ყოველივე ამაზე პასუხისმგებლობას და აპირებთ თუ არა, თქვენი მოყვანილი პარლამენტისა და მთავრობის დათხოვნას?
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.