თერჯოლის მუნიციპალიტეტში, საერთაშორისო აქციის „დავასუფთაოთ მსოფლიო! დავასუფთაოთ საქართველო!“ ფარგლებში, დასუფთავების აქცია ჩატარდა.
თერჯოლის გამგეობის ცნობით, მუნიციპალიტეტის ტერიტორიაზე გამავალი საერთაშორისო და საქალაქთაშორისო საავტომობილო გზების მიმდებარე ტერიტორია, ქალაქის ცენტრი, სოფლების ადმინისტრაციული შენობებისა და ტურისტული ლოკაციების მიმდებარე ტერიტორიები დასუფთავდა.
„აქციაში თერჯოლის მუნიციპალიტეტის გამგეობისა და ა(ა)იპების თანამშრომლებთან ერთად, მონაწილეობა მიიღეს გამგებლის მოვალეობის შემსრულებელმა თემურ ქოჩიაშვილმა, ქ. თერჯოლის მაჟორიტარმა დეპუტატმა მუნიციპალიტეტის საკრებულოში, ეკონომიკისა და ქონების მართვის საკითხთა კომისიის თავმჯდომარე გიორგი ლილუაშვილმა, გამგებლის მოადგილე მანუჩარ რობაქიძემ და მუნიციპალიტეტის სხვა ხელმძღვანელმა პირებმა.
გარემოსდაცვითი კამპანია „დავასუფთაოთ მსოფლიო“, რომელსაც საქართველო 2010 წელს შეუერთდა, 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით, ტარდება ყოველ სექტემბერს და მასში მონაწილეობს 130-მდე ქვეყანა დევიზით „ჩვენი ქვეყანა… ჩვენი პლანეტა… ჩვენი პასუხისმგებლობა“, აღნიშნულია თერჯოლის გამგეობის მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.