შინაგან საქმეთა მინისტრი, გიორგი მღებრიშვილი საქართველოში ყატარის სახელმწიფოს ელჩს, მუბარაქ ბინ ნასერ მუბარაქ ალ–ხალიფას შეხვდა.
მხარეებმა ორი ქვეყნის სამართალდამცავ ორგანოებს შორის თანამშრომლობის განვითარების პერსპექტივებზე, ასევე, სამართალდაცვით და პოლიციური განათლების სფეროებში თანამშრომლობის შესახებ მემორანდუმების დეტალებზე იმსჯელეს, რომლებსაც უახლოეს მომავალში მოეწერება ხელი.
გიორგი მღებრიშვილმა სტუმარს უწყებაში ბოლო პერიოდში განხორციელებული, მიმდინარე და დაგეგმილი რეფორმები გააცნო, მათ შორის, კრიმინალური პოლიციის რეფორმირების, საზოგადოებაზე ორიენტირებული პოლიციისა და ანალიზზე დაფუძნებული საპოლიციო საქმიანობის პროექტები.
შს მინისტრი ყატარის სახელმწიფოს ელჩს საქართველოს შსს–ს მიერ საერთაშორისო საპოლიციო თანამშრომლობის განვითარების მიზნით, საკანონმდებლო და ინსტიტუციონალურ დონეზე გადადგმული მნიშვნელოვანი ნაბიჯების შესახებ ესაუბრა. როგორც გიორგი მღებრიშვილმა აღნიშნა, 13 პარტნიორ ქვეყანაში პოლიციის ატაშეების წარგზავნამ მნიშვნელოვანი შედეგები მოიტანა საერთაშორისო ორგანიზებულ დანაშაულთან ბრძოლაში თანამშრომლობის კუთხით.
ინფორმაციას საქართველოს შინაგან საქმეთა სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.