გერმანიაში ფედერალური არჩევნების პირველი ეგზიტ პოლები აჩვენებს, რომ ქვეყნის კანცლერის, ანგელა მერკელის ქრისტიან-დემოკრატიული პარტია და მისი შვილობილი, ბავარიული ქრისტიან-სოციალური პარტია მცირედით ლიდერობენ, ვიდრე ეს ნავარაუდევი იყო. ინფორმაციას ამ წუთებში დოიჩე ველე ავრცელებს.
პირველადი მონაცემებით, მათ ხმების ყველაზე მეტი რაოდენობა, 32.5% მიიღეს.
მმართველი კოალიციის მთავარი კონკურენტი მარტინ შულცის, ევროპული პარლამენტის ყოფილი პრეიზიდენტის სოციალ-დემოკრატიული პარტია იყო, რომელიც მერკელის ქრისტიან-დემოკრატიული პარტიის კოალიციის პარტნიორია და მან ხმების 20% მიიღო.
მესამე ადგილზე გავიდა ულტრა-მემარჯვენე პარტია, "ალტერნატივა გერმანიისთვის", 13.5%-ით.
კარგი შედეგები აჩვენეს უფრო მცირე პარტიებმა, რომელთაც გადალახეს ბუნდესტაგში მოსახვედრად საჭირო 5 პროცენტიანი ბარიერი და ამგვარად, გერმანიის პარლამენტში 6 პარტია იქნება წარმოდგენილი. მე-2 მსოფლიო ომის შემდეგ ბუნდესტაგში პირველად გავიდა ულტრა-მემარჯვენე პარტია „ალტერნატივა გერმანიისთვის“.
ამგვარი შედეგი კი შეიძლება ახლანდელი მმართველი კოალიციისთვის ცვლილებების გამომწვევი აღმოჩნდეს.
საარჩევნო უბნები ადგილობრივი დროით დილის 08:00 საათზე გაიხსნა და 18:00 საათზე დაიხურა.
„სოციალ-დემოკრატიული პარტიის“ ლიდერი მარტინ შულცი მადლობას უხდის მხარდამჭერებს და პარტიის თანამშრომლებს, და ყველა კანდიდატს, განსაკუთრებით კი ახალგაზრდა სოციალისტებს. იგი პარტიის ლიდერის პოსტზე დარჩება.
ეგზიტ პოლების მიხედვით მე-3 ადგილზე გასული ულტრა-მემარჯვენ პარტიის, „ალტერნატივა გერმანიისთვის“ თანათავმჯდომარემ, ალექსანდერ გაულანდმა განაცხადა: „ბრძოლა არ დასრულებულა“.
„ალტერნატივა გერმანიისთვის“ ლიდერმა, ფრაუკე პეტრიმ „თვითერზე“ დაწერა, რომ გერმანიამ „შეუდარებელი პოლიტიკური მიწისძვრა“ განიცადა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.