სენაკის ცენტრალურ სტადიონზე საქართველოს შეიარაღებული ძალების ქვედანაყოფებს შორის ფეხბურთში ტურნირი გაიმართა.
სპორტულ ღონისძიებაში პირველობისთვის სამხედო პოლიციის, სახმელეთო ჯარების დასავლეთ და აღმოსავლეთ სარდლობების, ასევე წვრთნისა და სამხედრო განათლების სარდლობის, ეროვნული გვარდიის, საინჟინრო ბრიგადის ათმა გუნდმა იასპარეზა.
თავდაცვის სამინისტროს ცნობით, საფეხბურთო ტურნირის გამარჯვებული II ქვეითი ბრიგადის გუნდი გახდა. მეორე ადგილზე II საარტილერიო ბრიგადის გუნდი, ხოლო მესამე ადგილზე III ქვეითი ბრიგადის გუნდი გავიდა.
„პირველ ადგილოსან გუნდს მედლები სახმელეთო ჯარების დასავლეთ სარდლის მოადგილემ, პოლკოვნიკმა ჯონი ტატუნაშვილმა, ხოლო საპრიზო თასი გენერალური შტაბის სპორტული სამსახურის უფროსმა, ვიცე-პოლკოვნიკმა ლაშა ყარმაზანაშვილმა გადასცა. მედლებით დაჯილდოვდნენ მეორე და მესამე ადგილზე გასული გუნდები.
დღესვე გამოვლინდა ტურნირის საუკეთესო ფეხბურთელი - II ქვეითი ბრიგადის სამხედრო მოსამსახურე, ბაკურ ნანეიშვილი. საუკეთესო მეკარე - II საარტილერიო ბრიგადის გუნდის მეკარე კობა იაკობაძე. საუკეთესო თავდამსხმელი - II ქვეითი ბრიგადის სამხედრო მოსამახურე ნიკოლოზ უგრეხელიძე.
ტურნირის ორანიზება გენერალური შტაბის სპორტულმა სამსახურმა უზრუნველყო, ხოლო ტურნირში მონაწილე საფეხბურთო გუნდებს II ქვეითმა ბრიგადამ უმასპინძლა“, აღნიშნულია თავდაცვის სამინისტროს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.