73 ვერტმფრენი, 30 თვითმფრინავი და 8 000 მეხანძრე ებრძვის „კატასტროფულ“ ხანძარს კალიფორნიაში, რომელმაც სულ მცირე 31 ადამიანის სიცოცხლე იმსხვერპლა
12-10-2017, 15:33

შრიფტის ზომა: [ A+ ] / [ A- ]

 

ხელმეორედ ამოვარდნილი ქარის მაღალი სიჩქარე აძლიერებს „კატასტროფულ“ ტყის ხანძარს, რომელმაც ჩრდილოეთ კალიფორნიაში სულ მცირე 31 ადამიანის სიცოცხლე იმსხვერპლა, განაცხადა შტატის სახანძრო სამსახურის ხელმძღვანელმა.

 


როგორც BBC იუწყება, ათასობით ადამიანი დარჩა უსახლკაროდ ცეცხლის 22 კერის გამო, რომელიც სწრაფად და არაპროგნოზირებადად ვრცელდება.

 

 

 


დაახლოებით 300 ადამიანი დაკარგულად ითვლება, მაგრამ პოლიციის განცხადებით, ის, რომ ამდენი ადამიანი დაკარგულად არის გამოცხადებული, შესაძლოა ქაოტურ ევაკუაციას მივაწეროთ.

 

 

 

 


BBC-ის ცნობით, კალიფორნიის შტატის ღვინის მწარმოებელი რეგიონის მთელი ქალაქებია მიტოვებული.

 


აღნიშნული ხანძარი კალიფორნიის ისტორიაში ყველაზე საშინელია და კვამლი სამხრეთით, დაახლოებით 100 კილომეტრის მოშორებით მდებარე სან ფრანცისკომდე მისწვდა.

 

 

 


„ეს არის სერიოზული, კრიტიკული, კატასტროფული მოვლენა. ჩვენ მომავალი რამდენიმე, მრავალი წლის განმავლობაში არ გვექნება ტყეები“, განაცხადა სახანძრო სამსახურის ხელმძღვანელმა, კენ პიმლოტმა.

 


მისი თქმით, მსხვერპლის რიცხვი შესაძლოა კიდევ უფრო გაიზარდოს.

 


ოფიციოზის ცნობით, შეერთებული შტატების დანარჩენი ნაწილებიდან კალიფორნიაში 200-ზე მეტი სახანძრო ჯგუფი ჩავიდა სტიქიასთან საბრძოლველად.

 


პიმლოტმა განაცხადა, რომ ამჟამად 73 ვერტმფრენი, 30 საჰაერო ტანკერი და თითქმის 8 000 მეხანძრე ებრძვის ცეცხლის კერებს.

 

 

 


ხამძარმა ქალაქ სანტა როსაში, სადაც 175 000 ადამიანი ცხოვრობს, მთელი უბნები ნაცარტუტად აქცია.

 

 

 

 


ევაკუირებულ ქალაქებს შორისაა კალისტოგა, ნაპას საგრაფოში, სადაც ყველა, 5000-ივე მცხოვრებს უთხრეს, რომ უნდა დაეტოვებინათ ადგილი, პოლიციამ კი აღნიშნულ ქალაქამდე მისაღწევად საგზაო მოძრაობა მთლიანად გადაკეტა.

 

 

 


ოფიციალური მონაცემებით, 13 ადამიანი სონომას საგრაფოშია დაღუპული, საიდანაც დაახლოებით 25 000 ადამიანის ევაკუაცია განხორციელდა და სადაც 45 000 მობინადრე ელექტროენერგიის გარეშეა დარჩენილი. ექვსი ადამიანი გარდაიცვალა მენდოკინოს საგრაფოში, ორი იუბას და ორი ნაპას საგრაფოში, უთხრა ოფიციოზმა „The Los Angeles Times“-სს.

 


გარდაცვლილებს შორის არიან 100 წლის ჩარლზ რიპი და მისი ცოლი, 98 წლის სარა, რომელთაც ახლახან იზეიმეს თავიანთი ქორწინების 75-ე წლისთავი. წყვილი, თავიანთ სახლში, ნაპაში დაიღუპა.

 

 

 


„ისინი უბრალოდ ვერ იქნებოდნენ ერთმანეთის გარეშე. ფაქტი, რომ ისინი ერთად წავიდნენ, არის ის, რაც შესაძლოა, რომ მათ სდომებოდათ“, უთხრა წყვილის ვაჟმა, მაიკ რიპიმ გაზეთ „ნიუ იორკ თაიმსს“.

 


სულ მცირე ოთხმა ღვინის ქარხანამ „სრული ან ძალიან მნიშვნელოვანი დანაკარგი“ განიცადა, სხვა 9-მ კი ასევე შენობების და ვენახების გარკვეული ზარალი ნახა.

 

 

 


კალიფორნიის გუბერნატორმა, ჯერი ბრაუნმა საგანგებო მდგომარეობა გამოაცხადა სონომაში, ნაპაში და 5 სხვა საგრაფოში.

 


შეერთებული შტატების პრეზიდენტმა, დონალდ ტრამპმა ასევე დაამტკიცა „უბედურების დეკლარაცია“, რაც შტატის ფედერალური მთავრობისაგან დაუყოვნებელ ფინანსურ დახმარებას უზრუნველყოფს.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ტელეწამყვანმა ქსენია სობჩაკმა განაცხადა, რომ 2018 წლის რუსეთის საპრეზიდენტო არჩევნებში იყრის კენჭს.

ყველაზე კითხვადი
  1. პოროშენკოს პარტიამ სააკაშვილს „მასშტაბურ დესტაბილიზაციასა“ და უკრაინის ხელისუფლების ნებისმიერ ფასად მიტაცების მცდელობაში დასდო ბრალი
  2. ლიკა ქავჟარაძის სამოქალაქო პანაშვიდზე ბიძინა ივანიშვილი მივიდა
  3. ნიკა რურუას თქმით, ერთ-ერთი არჩევნების წინ სააკაშვილის კაბინეტში მისულმა ივანიშვილმა პრეზიდენტს უთხრა: ‘რას ნერვიულობ მიშა, აიღე და დაწერე რა ციფრიც გინდა შენ, ეს დემოკრატია ხომ სისულელეა, თამაშია’
  4. ათეულობით ადამიანია გარდაცვლილი პორტუგალიასა და ესპანეთში გაჩენილი ტყის ხანძრების შედეგად
  5. სულ მცირე 230 ადამიანია მოკლული და ასეულობით დაჭრილი სომალის დედაქალაქში მომხდარი მძლავრი აფეთქების შედეგად
  6. სერგეი ლავროვმა აშშ-ის სახელმწიფო მდივანს უთხრა, რომ „მიტაცებული“ დიპლომატიური ობიექტებიდან რუსეთის სახელმწიფო დროშების ჩამოხსნა მიუღებელია
  7. ზაალ უდუმაშვილი: „აქ ათიათასობით ადამიანი დგას... ჩვენი მთავარი მიზანია ივანიშვილს ჩამოვართვათ ის ავტოფარეხი, რომელიც მას საკრებულომ დაუკანონა“
  8. პრეზიდენტი ტრამპი თავს დაესხა ირანს, როგორც „ფანატიკურ რეჟიმს“, თუმცა ბირთვული შეთანხმებიდან გამოსვლის საკითხზე კონსულტაციებს მოკავშირეებთან გამართავს
  9. ტელეწამყვანმა ქსენია სობჩაკმა განაცხადა, რომ 2018 წლის რუსეთის საპრეზიდენტო არჩევნებში იყრის კენჭს
  10. 73 ვერტმფრენი, 30 თვითმფრინავი და 8 000 მეხანძრე ებრძვის „კატასტროფულ“ ხანძარს კალიფორნიაში, რომელმაც სულ მცირე 31 ადამიანის სიცოცხლე იმსხვერპლა
ბოლო სიახლეები
ამინდის პროგნოზი
ვალუტის კურსი