საქართველოს პარლამენტის თავმჯდომარე ისრაელის სახელმწიფოში ოფიციალურ ვიზიტს განაგრძობს. ვიზიტის ფარგლებში, ირაკლი კობახიძემ დღეს შეხვედრები ისრაელის უმაღლეს საკანონმდებლო ორგანოში გამართა.
პარლამენტის პრესსამსახურის ცნობით, ქნესეთში ოფიციალური დახვედრის ცერემონიისა და ბრძოლის ველზე დაცემული ჯარისკაცების ხსოვნის მემორიალის გვირგვინით შემკობის შემდეგ, ირაკლი კობახიძემ ქნესეთის თავმჯდომარესთან, იული იოელ ედელშტეინთან პირისპირ შეხვედრა გამართა.
პირისპირ საუბრის შემდეგ, შეხვედრა გაფართოებულ ფორმატში გაგრძელდა, რომელსაც საქართველოს პარლამენტის დელეგაცია და ისრაელი-საქართველოს მეგობრობის ჯგუფის თანათავმჯდომარეები - ჰილიკ ბარი და იოავ კიში ესწრებოდნენ.
ირაკლი კობახიძის განცხადებით, ქვეყანას საქართველოდან წარმომადგენლობითი საპარლამენტო დელეგაცია სტუმრობს, რაც ხაზს უსვამს საქართველოსთვის ისრაელთან მეგობრობისა და პარტნიორობის მნიშვნელობას.
პრესსამსახურის ინფორმაციით, მხარეებმა ორმხრივი ურთიერთობების შესახებ ისაუბრეს. მათი შეფასებით, ქვეყნებს შორის პარტნიორული და მეგობრული ურთიერთობები უფრო დინამიური ხდება.
შეხვედრაზე საპარლამენტთაშორისო ურთიერთობისა და ამ მიმართულებით, მჭიდრო თანამშრომლობის შესახებ ისაუბრეს. ხაზგასმით აღინიშნა ქვეყნებს შორის მეგობრობის გაღრმავებაში საპარლამენტო მეგობრობის ჯგუფების აქტიური მუშაობისა და გაცვლითი ვიზიტების მნიშვნელობა.
საუბარი, ასევე, რეგიონში არსებულ ვითარებასა და გამოწვევებს შეეხო. იული იოელ ედელშტეინმა ირაკლი კობახიძე ისრაელის სახელმწიფოს მხრიდან საქართველოს სუვერენიტეტისა და ტერიტორიული მთლიანობის ურყევი მხარდაჭერა დაუდასტურა.
„ჩვენ ვამაყობთ ჩვენს ხალხებს შორის 26 საუკუნოვანი, ისტორიული კავშირით და სწორედ ეს ქმნის განსაკუთრებულ მოტივაციას ჩვენს ქვეყნებს შორის ურთიერთობის, მეგობრობისა და თანამშრომლობის გაძლიერებისთვის. არის ბევრი სფერო, სადაც თანამშრომლობის გაძლიერება შეგვიძლია და უკვე არსებობს მრავალი მიმართულება, სადაც უკვე აქტიურად ვთანამშრომლობთ. საქართველოს პრემიერმინისტრი ეწვია ისრაელს და თქვენს ქვეყანაში ძალიან ნაყოფიერი ვიზიტი ჰქონდა. ჩვენი შეხვედრა ასევე ძალიან მნიშვნელოვანი კონტრიბუციაა ჩვენს ხალხებს შორის თანამშრომლობისა და მეგობრობის გაღრმავებისთვის. გვჯერა საქართველოსა და ისრაელს შორის ძლიერი თანამშრომლობისა და მეგობრობის. ჩვენი მოტივაციაა, საქართველო იყოს ისრაელის ძლიერი პარტნიორი და ეს არის ჩვენი სტრატეგიული ინტერესიც. დელეგაცია საქართველოს პარლამენტის 11 წევრისგან შედგება, რაც ისრაელის სახელმწიფოსთან თანამშრომლობის ინტერესის დემონსტრირებას ახდენს. ასევე, ეს აჩვენებს ქართველი ხალხის სიყვარულს ებრაელი ხალხისა და ისრაელის მიმართ. ჩვენი დელეგაციის შემადგენლობაში არიან საპარლამენტო უმრავლესობისა და უმცირესობის ლიდერებიც. ჩვენ ერთმანეთთან მრავალი წინააღმდეგობა გვაქვს, თუმცა, არსებობს საკითხი, რომელზეც ყველა ვთანხმდებით - ეს არის მეგობრობა ისრაელთან“, განაცხადა საქართველოს პარლამენტის თავმჯდომარემ გაფართოებულ შეხვედრაზე.
„ვფიქრობ, რომ ჩვენს ქვეყნებს შორის ურთიერთობა ძლიერი და სტაბილურია. ჩვენი როლია არა იმაზე საუბარი, თუ რისი გამოსწორებაა საჭირო, არამედ საუბარი იმაზე, თუ რა შეიძლება დამატებით გავაკეთოთ, რომ ეს ურთიერთობები კიდევ უფრო უკეთესი გახდეს. ჩვენ, პარლამენტარებს, საერთო და ერთმანეთის მსგავსი გამოწვევები გვაქვს. საქართველოს პარლამენტის თავმჯდომარესთან ჩვენ საარჩევნო და საკონსტიტუციო რეფორმაზე ვისაუბრეთ, რომელიც ქართულ სისტემას ისრაელის სისტემასთან აახლოებს. ვფიქრობ, საპარლამენტო ურთიერთობები უნდა ასახავდეს ქართველ და ებრაელ ხალხს შორის არსებულ შესანიშნავ ურთიერთობას. საქართველოს პარლამენტის თავმჯდომარის ვიზიტის ფარგლებში გამართულ შეხვედრებზე განვიხილავთ უსაფრთხოებასთან, გამჭვირვალობასთან დაკავშირებულ საკითხებს - ეს არის ჩვენი საერთო ინტერესის საგანი“, განაცხადა ქნესეთის თავმჯდომარემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.