საპარლამენტო უმრავლესობის წევრი დავით მათიკაშვილი წინასაარჩევნოდ ადმინისტრაციული რესურსის გამოყენებასთან დაკავშირებით, პრეზიდენტ გიორგი მარგველაშვილის მიერ გაკეთებულ განცხადებას ეხმაურება.
იგი პრეზიდენტის მიერ გაკეთებული განცხადებების დასაბუთებას, წინააღმდეგ შემთხვევაში კი, ბოდიშის მოხდას მოითხოვს.
„ოპოზიციაში გადასული პრეზიდენტი - ეს არ არის სწორი, არ არის ჯანსაღი მიდგომა, ამიტომ, 2018 წელს ჩვენ გვეყოლება ახალი პრეზიდენტი და ძალიან იმედი მაქვს, ის მაინც იქნება სწორედ გამტარებელი იმ პოლიტიკის, რასაც ზეპარტიული არბიტრი ჰქვია. რაც შეეხება პრეზიდენტის განცხადებებს, ეს ყველაფერი უნდა დადასტურდეს. თუ ასეთი რამ დადასტურდება შესაბამისი პასუხისმგებლობაც უნდა დადგეს, თუ არა, მაშინ ბოდიში უნდა მოიხადოს იმ პიროვნებამ, რომელიც ასეთ რამეს აბრალებს კონკრეტულ პროცესებში მონაწილე პირებს", განუცხადა „იმედს" დავით მათიკაშვილმა.
გიორგი მარგველაშვილმა გუშინ ტელეკომპანია „მაესტროს" პირდაპირ ეთერში არჩევნებზე საუბრისას განაცხადა, რომ ადმინისტრაციული რესურსის გამოყენებაზე, „სამწუხაროდ, ქვეყანამ უარი ჯერ კიდევ ვერ თქვა".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.