ადვოკატ გიორგი ონიანის დაპატიმრებას „პოლიტიკურ მოტივს“ უკავშირებს „ლეიბორისტული პარტიის“ თავმჯდომარე შალვა ნათელაშვილი, რომელიც მიიჩნევს, რომ ამის „მიზანია, დააშინოს ივანიშვილის რეჟიმთან მებრძოლი ოპოზიცია და ჩაახშოს საპროტესო რყევები საზოგადოებაში“.
„ადვოკატ გიორგი ონიანის დაპატიმრება განხორციელდა მხოლოდ და მხოლოდ პოლიტიკური და არა სამართლებლივი მოტივირებით. სხვა შემთხვევაში ათი წლის წინ მომხდარ გარემოებებზე რეაგირება 5 წლის უკან მაინც უნდა განხორციელებულიყო. ამ აქტის მიზანია, დააშინოს ივანიშვილის რეჟიმთან მებრძოლი ოპოზიცია და ჩაახშოს საპროტესო რყევები საზოგადოებაში. ვთვლით გიორგი ონიანს პოლიტიკურ პატიმრად და მოვითხოვთ მის დაუყოვნებლივ განთავისუფლებას“, განაცხადა შალვა ნათელაშვილმა პრესკონფერენციაზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.