ამერიკის შეერთებული შტატების პრეზიდენტი დონალდ ტრამპი აზიური ტურნეს ფარგლებში ჩინეთში ჩავიდა. მოელიან რომ მასსა და ჩინეთის ლიდერს, ქსი ძინპინგს შორის მოლაპარაკებების მთავარი თემები ვაჭრობა და ჩრდილოეთ კორეა იქნება.
ტრამპი პეკინში სამხრეთ კორეიდან ჩავიდა, სადაც მოუწოდა ჩინეთს და რუსეთს ზეწოლა განახარციელონ ფხენიანის ბირთვულ და სარაკეტო პროგრამებზე.
BBC-ის ცნობით, პეკინში გამგზავრებამდე მან შეაქო ქსი ძინპინგი და თქვა, რომ მოუთმენლად ელოდება ჩინეთის პრეზიდენტთან შეხვედრას „მისი დიდი გამარჯვების“ შემდეგ.
ქსიმ ახლახან მისი ძალაუფლება განიმტკიცა ჩინეთის კომუნისტური პარტიის ყრილობაზე და მომდევნო 5 წლის განმავლობაში ქვეყნის ლიდერი ისევ ის იქნება, რაც ანალიტიკოსების ვარაუდით, ტრამპთან კომპრომისებზე წასვლას ნაკლებად მოსალოდნელს ხდის.
პეკინში ჩასვლამდე ტრამპმა სამხრეთ კორეის პარლამენტისადმი სიტყვით მიმართვისას ჩრდილოეთ კორეის ლიდერი კიმ ჩენ ინი გააფრთხილა, რომ ნუ შეაფასებს არასათანადოდ ამერიკას და მის მოკავშირეებს. „ნუ გვცდი ჩვენ“, განაცხადა მან, მაშინ როცა ასევე დაგმო ჩრდილოეთ კორეაში ცხოვრების „ბნელი ფანტაზია“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.