საქართველოს პრეზიდენტი გიორგი მარგველაშვილი, პოლონეთში ოფიციალური ვიზიტის ფარგლებში, პოლონეთის სენატის მარშალს, სტანისლავ კარჩევსკის შეხვდა.
პრეზიდენტის ადმინისტრაციის ცნობით, ძირითად განსახილველ თემებს შორის პოლონეთის მხრიდან საქართველოს ევროპული ინტეგრაციული პროცესის მხარდაჭერა, ოკუპირებულ ტერიტორიებზე შექმნილი ვითარება და საპარლამენტო ურთიერთობების გაღრმავება იყო.
„საქართველოს პრეზიდენტი მიესალმა პარლამენტებს შორის ურთიერთობების დინამიურ განვითარებას და პარტნიორული თანამშრომლობის გაძლიერებას.
როგორც შეხვედრაზე აღინიშნა, საპარლამენტო მხარდაჭერა ერთ-ერთი ყველაზე მნიშვნელოვანი კომპონენტია საქართველოს ინტერესების დაცვის თვალსაზრისით და ამ მიმართულებით, ხაზგასასმელია საქართველოსთან მეგობრობის საპარლამენტო ჯგუფის მუშაობა, რომელსაც მალგოჟატა გოშევსკა ხელმძღვანელობს და ერთ-ერთი უდიდესია პოლონეთის პარლამენტში.
შეხვედრისას ხაზი გაესვა მრავალმხრივ საპარლამენტო ფორმატებში თანამშრომლობის მნიშვნელობას, როგორიცაა ევროპის საბჭოს საპარლამენტო ასამბლეა, ნატო და ეუთოს საპარლამენტო ასამბლეები.
მხარეებმა ასევე ისაუბრეს აღმოსავლეთ პარტნიორობისა და ნატოს სამიტების მოსამზადებელ სამუშაოებზე.
საუბარი შეეხო საქართველოს ოკუპირებულ ტერიტორიებზე შექმნილ ვითარებას და რუსეთის აგრესიულ ქმედებებს. გიორგი მარგველაშვილმა მადლობა გადაუხადა პარლამენტის წარმომადგენლებს საქართველოს სუვერენიტეტისა და ტერიტორიული მთლიანობის, არაღიარების პოლიტიკის მტკიცე და უწყვეტი მხარდაჭერისათვის", ნათქვამია საქართველოს პრეზიდენტის ადმინისტრაციის მიერ გავრცელებულ ოფიციალურ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.