თბილისის საკრებულოს „ერთიანი ნაციონალური მოძრაობის" წევრები დედაქალაქის მერიის უსაფრთხოების საქალაქო სამსახურის უფროსის თანამდებობაზე ნუგზარ ჭონქაძის დანიშვნას აპროტესტებენ.
აღნიშნულ საკითხთან დაკავშირებით საკრებულოში ცოტა ხნის წინ გამართულ ბრიფინგზე ისაუბრეს.
საკრებულოს ფრაქცია „ნაციონალური მოძრაობის“ თავმჯდომარე ირაკლი ნადირაშვილი აცხადებს, რომ ნუგზარ ჭონქაძე, იგივე სულიკო კედელაშვილი ოპოზიციის მიმართ განსაკუთრებული აგრესიით გამოირჩევა. მისივე თქმით, ჭონქაძის თანამდებობაზე დანიშვნა ნიშნავს, რომ კონსტრუქციული დიალოგი ოპოზიციასთან არ იქნება.
„ეს არის ადამიანი, რომელიც გამოირჩევა სიძულვილის ენით და განსაკუთრებული აგრესიულობით ყველა იმ ადამიანის მიმართ, რომელიც განსხვავებულ აზრს გამოთქვამს. ყველა იმ ოპოზიციური ოპოზიციური პარტიის მიმართ და წევრების მიმართ, რომლებიც აფიქსირებენ ამ ხელისუფლებისგან განსხვავებულ პოზიციას და პირველ რიგში „ნაციონალური მოძრაობის“ და მის წევრების მიმართ.... ამ ადამიანის თანამდებობაზე დანიშვნა ნიშნავს, რომ ოპოზიციონერ დეპუტატებს კვლავ არ შეუშვებენ თბილისის მერიაში, კვლავ არ შეუშვებენ საკრებულოს შენობაში, პარლამენტის დეპუტატებს საჭიროების შმეთხვევაში არ შეუშვებენ საკრებულოში და ჟურნალისტებსაც შეექმნებათ თავისუფლად გადაადგილების პრობლემა", განაცხადა ირაკლი ნადირაშვილმა.
თბილისის მერმა, კახა კალაძემ მერიის საქალაქო სამსახურების ახალი ხელმძღვანელები გუშინ, 15 ნოემბერს დაასახელა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.