დიდ ბრიტანეთში საყოველთაო არჩევნებისთვის ემზადებიან, დღეს წინასაარჩევნო კამპანიის ბოლო დღეა. "ბიბისის" ცნობით, წინასწარი გამოკითხვების მიხედვით, ვერც ერთი პარტია ვერ მოიპოვებს პარლამენტში ადგილების უმრავლესობას.
მიუხედავად ხუთკვირიანი აქტიური კამპანიისა, ვერც პრემიერ-მინისტრ დევიდ ქამერონის კონსერვატიულმა პარტიამ და ვერც ოპოზიციური ლეიბორისტული პარტიის ლიდერმა, ედ მილიბანდმა ვერ შეძლო წინასაარჩევნო გამოკითხებში წამყვანი პოზიციის დაკავება.
ექსპერტებსა და პოლიტიკოსებს პროგნოზების გაკეთება უჭირთ. ქამერონი მოსახლეობას ნათელი მომავლის შექმნას და ევროკავშირიდან გასვლის შესახებ რეფერენდუმის გამართვას ჰპირდება. ლეიბორისტი მილიბანდი კი პირობას დებს, რომ მისი გამარჯვების შემთხვევაში მთავრობა მხოლოდ ხალხისთვის იმუშავებს.
არჩევნებში მონაწილეობას ლიბერალ-დემოკრატი ნიკ კლეგიც იღებს, რომელიც ბრიტანელ ხალხს სტაბილურობას ჰპირდება.
აღსანიშნავია, რომ დიდ ბრიტანეთს, ბოლო 5 წლის განმავლობაში კონსერვატორებისა და ლიბერალ-დემოკრატების კოალიციური მთავრობა მართავს.
საყოველთაო არჩევნები ბრიტანეთში ხვალ, 7 მაისს გაიმართება. საარჩევნო უბნები ადგილობრივი დროით დილის 07:00 საათიდან 22:00 საათამდე იქნება ღია. ხმის მიცემის უფლება 45 მილიონზე მეტ მოქალაქეს აქვს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.