ჯორჯ ბუშ უფროსს სექსუალურ შევიწროებაში უკვე მერვე ქალი სდებს ბრალს
17-11-2017, 20:03

შრიფტის ზომა: [ A+ ] / [ A- ]

 

რიგით მერვე ქალბატონი სდებს ბრალს შეერთებული შტატების ყოფილ პრეზიდენტს სექსუალურ შევიწროებაში.

 

 

როგორც ქალბატონი - რომლის ვინაობაც, BBC დათანხმდა, რომ მისი მგრძნობიარე სამსახურის ბუნებიდან გამომდინარე არ გაამჟღავნოს - ამტკიცებს, ჯორჯ ბუში 2004 წელს მისი ნების საწინააღმდეგოდ ხელით რამდენჯერმე უხამსად შეეხო.

 

 

ზემოთხსენებული სავარაუდო ინციდენტი ყოფილ პრეზიდენტ ჯორჯ ჰერბერტ უოლკერ ბუშსა და ესპანეთის თავდაცვის მინისტრს შორის შეხვედრისას მოხდა.

 

 

დაზარალებულს სახალხოდ აქამდე არასდროს უსაუბრია ამ ინციდენტის შესახებ.

 

 

მან BBC-სთან საუბრისას განაცხადა: „2004 წელი იყო. ესპანელი ჯარისკაცები ერაყიდან მოულოდნელად დაბრუნდნენ და მე იმ დროს ესპანეთში ვმუშაობდი თარჯიმნად.“

 

 

ხოსე ზაპატეროს „სოციალისტურმა პარტიამ“ მოულოდნელი გამარჯვება მოიპოვა იმავე წლის მარტის არჩევნებში.

 

 

იმდროინდელ შეერთებული შტატების პრეზიდენტს, ჯორჯ დაბლიუ ბუშს, რომელიც 2004 წელს თავის მეორე ვადას ასრულებდა, ზაპატეროსთან აშკარად შედარებით ცივი ურთიერთობა ჰქონდა, ვიდრე მის წინამორბედ ესპანეთის კონსერვატორ პრემიერ მინისტრთან.

 

 

როდესაც ჯორჯ ბუშ უფროსი, პრეზიდენტის მამა, ესპანეთში ნადირობდა, მარტინეზი თარჯიმან ქალბატონთან ერთად ბუშისთვის წყვილი სანადირო იარაღის საჩუქრად გადასაცემად გაგზავნეს.

 

 

თარჯიმანმა შეხვედრის დეტალები არ გაამხილა, თუმცა მედიის მიხედვით, მარტინეზი იმედოვნებდა, რომ ბუში, პრეზიდენტის მამა, შეერთებული შტატების მოქმედ პრეზიდენტსა და ესპანეთის პრემიერს შორის ურთიერთობის განამტკიცებასა და გაძლიერებაში დაეხმარებოდა.

 

 

აღნიშნული ინციდენტი შეხვედრის შემდეგ გამართული ფოტოსესიის დროს მოხდა.

 

 

„როდესაც ფოტოს გადაღების დრო მოვიდა, ბუშმა მოითხოვა ჩემი კადრში გამოჩენა“, განაცხადა თარჯიმანმა.

 

 

„ვფიქრობდი, რომ ეს მოთხოვნა უცნაური იყო. როგორც წესი, ჩვენ კადრში არ ვჩნდებით ხოლმე. ის ხელით უკანალზე შემეხო. თავიდან ვიფიქრე, რომ ეს უბრალო ინციდენტი იყო, მაგრამ მან ეს ქმედება მეორეჯერაც გაიმეორა.“

 

 

მისი მონაყოლი იმ ბრალდებას ჰგავს, რომელიც ბუშის წინააღმდეგ როზელინ კორიგანმა განაცხადა, რომ ბუშმა 2003 წელს მასზე სექსუალური ზეწოლა განახორციელა.

 

 

 

 

ოქტომბერში ბუშის წარმომადგენელმა, ჯიმ მაკგრატმა განაცხადა, რომ ეს ინციდენტი შემთხვევითობა იყო.

 

 

მაკგრატმა ეს ინციდენტი პრეზიდენტის ინვალიდის სავარძელს დააბრალა. მან განაცხადა: „მისი მხრები იმ ადამიანების წელს ეხება, ვისთანაც ფოტოებს იღებს“.

 

 

თუმცა, კორიგანის განცხადებით, ფოტოს გადაღებისას ყოფილი პრეზიდენტი ფეხზე იდგა.

 

 

ბუშმა ინვალიდის ეტლის გამოყენება 2012 წლისთვის დაიწყო, ინციდენტიდან რვა წლის შემდეგ.

 

 

კორიგანმა განაცხადა: „იგი იმ დროს ინვალიდის ეტლს არ ხმარობდა. ჩვენ ბუხართან ვიდექით და ფოტო ისე გადავიღეთ“.

 

 

„ინციდენტის შემდეგ გავბრაზდი, თუმცა იქ ისეთი გარემოება იყო, რომ ვერაფერი ვთქვი. მაშინ ვიფიქრე, რომ პრეზიდენტმა გარემოებით ისარგებლა, რადგან იცოდა, რომ ვერაფერს ვიტყოდი.“

 

 

„როგორ გავამძაფრებდი ისედაც დაძაბულ მდგომარეობას, როდესაც სოციალისტურმა მთავრობამ ჯარის გამოყვანის ბრძანება გასცა?“

 

 

დაზარალებული, სექსუალური შევიწროების მსხვერპლი ინციდენტამდეც და მის მერეც იყო, თუმცა პოლიტიკოსის მხრიდან ამგვარ ქმედებას მხოლოდ ერთხელ ჰქონდა ადგილი.

 

 

კორიგანმა სახლში მისვლისას ამ ამბის შესახებ თავის შვილებს უამბო. ამჯერად, სწორედ მისმა შვილმა დაარწმუნა ის BBC-ს დაკონტაქტებოდა.

 

 

ბუშის წარმომადგენელს ბოლო ბრალდებებთან დაკავშირებით კომენტარი ჯერ არ გაუკეთებია, თუმცა ორშაბათს, კორიგანის ბრალდებების საპასუხოდ, მაკგრატმა BBC-ს განუცხადა: „ჯორჯ ბუშს უბრალოდ არ აქვს გულში ის, რომ ვინმეს განზრახ მიაყენოს რაიმე სახის შეურაცხყოფა, და ის კიდევ ერთხელ უხდის ბოდიშს ყველას, რომელიც მან შესაძლოა შეურაცხყო ფოტოგადაღებისას“.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

სამხრეთ საფრანგეთის ქალაქ პერპიგნანის სიახლოვეს სასკოლო ავტობუსის და მატარებლის შეჯახების შედეგად სულ მცირე ოთხი ბავში დაიღუპა, იუწყება BBC ქვეყნის შინაგან საქმეთა სამინისტროზე დაყრდნობით.

ამერიკის შეერთებული შტატების ყოფილმა ვიცე-პრეზიდენტმა, ჯო ბაიდენმა სენატორ ჯონ მაკკეინის ქალიშვილ მეგან მაკკეინთან სატელევიზიო თოქ შოუს დროს მისი მამის, აშშ-ის „რესპუბლიკელი“ სენატორის ჯანმრთელობის შესახებ ნუგეში გამოხატა და მაკკეინის ქალიშვილს რჩევა შესთავაზა მას შემდეგ რაც ვიეტნამის ომის ვეტერანი მრავალგზის სენატორი ოთხშაბათს საავადმყოფოში გადაიყვანეს.

ყველაზე კითხვადი
  1. ნიკა მელიამ ივანიშვილი გააფრთხილა, რომ მთელი ქვეყნის მასშტაბით სამოქალაქო პროტესტს მიიღებს, თუ არ შეწყვეტს სააკაშვილის „უკანონო პოლიტიკურ დევნას“
  2. ვლადიმერ პუტინმა, რომელიც სირიის რუსულ ბაზაზე იმყოფებოდა, სირიიდან რუსული სამხედრო შენაერთების გამოყვანის ბრძანება გასცა
  3. ბავშვები დაიღუპნენ საფრანგეთში სასკოლო ავტობუსის და მატარებლის შეჯახების შედეგად
  4. ცრემლსადენი გაზი და წყლის ჭავლი გამოიყენეს ბეირუთში აშშ-ის საელჩოსთან შეკრებილი პროტესტანტების დასაშლელად
  5. სააკაშვილის მომხრეებმა კიევში პოროშენკოს კუთვნილი „როშენის“ მაღაზიის ფანჯარა ჩაამტვრიეს
  6. გიგი უგულავა: ნუ გვიხარია საქართველოს მესამე პრეზიდენტის დაპატიმრება
  7. კიევის ცენტრში, მიხეილ სააკაშვილის მხარდამჭერების მიტინგზე, ეროვნული ხსნის კომიტეტის ჩამოყალიბების მოწოდება გაკეთდა
  8. უკრაინული მედია: მიხეილ სააკაშვილი დააკავეს
  9. პატიმრობიდან გათავისუფლებულმა სააკაშვილმა თქვა, რომ იგი, როგორც სიმბოლო, ისე დააპატიმრეს: „პუტინს ასეთი სიმბოლო ხადარკოვსკი ჰყავდა, იანუკოვიჩს ტიმოშენკო, პოროშენკოსთვის სიმბოლო რატომღაც მე გავხდი“
  10. ნეთანიაჰუს განცხადებით ის, რომ იერუსალიმი 3 000 წლის განმავლობაში ისრაელის დედაქალაქია, შეუძლიათ წაიკითხონ იმ „მშვენიერ წიგნში“, რომელსაც „ბიბლია ჰქვია“
ბოლო სიახლეები
ამინდის პროგნოზი
ვალუტის კურსი