გიორგი ანწუხელიძის სახელობის სერჟანტთა მომზადების ცენტრში უფლებამოსილების გადაბარების საზეიმო ცერემონიალი გაიმართა
29-11-2017, 14:25

შრიფტის ზომა: [ A+ ] / [ A- ]

გიორგი ანწუხელიძის სახელობის სერჟანტთა მომზადების ცენტრს ახალი მეთაური ჰყავს. უფლებამოსილების გადაბარების საზეიმო ცერემონიალს საქართველოს თავდაცვის მინისტრი ლევან იზორია და შეიარაღებული ძალების გენერალური შტაბის უფროსი, გენერალ-მაიორი ვლადიმერ ჩაჩიბაია დაესწრნენ.

 


საქართველოს სახელმწიფო ჰიმნის შესრულების შემდეგ, სერჟანტთა მომზადების ცენტრის ყოფილმა ხელმძღვანელმა, ვიცე-პოლკოვნიკმა რომან ქავთარაძემ ახალ მეთაურს, ვიცე-პოლკოვნიკ ზაალ ზაალიშვილს საპატიო წესით დროშა გადასცა.

 


თავდაცვის სამინისტროს პრესსამსახურის ინფორმაციით, სიტყვით გამოსვლისას, საქართველოს თავდაცვის მინისტრმა ლევან იზორიამ სერჟანტთა მომზადების ცენტრის ყოფილ მეთაურს სასწავლო დაწესებულების განვითარებაში შეტანილი წვლილისათვის მადლობა გადაუხადა, ვიცე-პოლკოვნიკ ზაალ ზაალიშვილს, კი, ახალ პოზიციაზე დანიშვნა მიულოცა და წარმატებები უსურვა.

 

 

 


უწყების ცნობით, ვიცე-პოლკოვნიკი ზაალ ზაალიშვილი შეიარაღებულ ძალებში ოფიცრის თანამდებობაზე 2004 წლიდან მსახურობს. მას საქართველოსა და აშშ-ში გავლილი აქვს ოფიცრის საწყისი, კაპიტნის საკარიერო და სამეთაურო-საშტაბო კურსები; ბოლო პერიოდში იკავებდა წვრთნებისა და სამხედრო განათლების სარდლობის ნატო-საქართველოს წვრთნებისა და შეფასების ერთობლივ ცენტრში ანალიზის განყოფილების უფროსის თანამდებობას.

 


საზეიმო ღონისძიება სერჟანტთა მომზადების ძირითადი (ათეულის მეთაურის) და შუალედური (ოცეულის სერჟანტი) კურსების გამოშვების ცერემონიალით გაგრძელდა. თავდაცვის უწყების ხელმძღვანელმა პირებმა კურსდამთავრებულებს კურსის დასრულების სერტიფიკატები და მადლობის სიგელები გადასცეს.

 


სერჟანტთა მომზადების ძირითად (ათეულის მეთაურის) კურსზე მსმენელებმა 14 კვირის განმავლობაში ქვეითთა საბრძოლო ვარჯიშები, ტაქტიკის საფუძვლები, ქვედანაყოფის მართვის პროცედურები შეისწავლეს და ლიდერობის უნარ-ჩვევები აითვისეს. შუალედურ (ოცეულის სერჟანტის) კურსზე, კი, რომელიც 15 კვირას გაგრძელდა, მსმენელები ქვედანაყოფის მართვის პროცედურებს, საპატრულო ოპერაციებსა და საბრძოლო მომზადების ორგანიზებას დაუფლნენ. სალექციო ნაწილი სახმელეთო ნავიგაციას, ხელმძღანელობას, თავდაცვით და თავდასხმით ოპერაციებსა და ფსიქოლოგიურ მომზადებას მოიცავდა.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი