პაკისტანში ავიაკატასტროფის შედეგად ნორვეგიისა და ფილიპინების ელჩები და მალაიზიისა და ინდონეზიის დიპლომატების მეუღლეები დაიღუპნენ, - ამის შესახებ "დოიჩე ველე" პაკისტანელ სამხედროებზე დაყრდნობით იუწყება.
როგორც გერმანული გამოცემა იტყობინება, პაკისტანის შეიარაღებული ძალების ვერტმფრენი, რომელშიც 11 უცხოელი და ექვსი პაკისტანელი იმყოფებოდა, ქვეყნის ჩრდილოეთ რეგიონში მდებარე ერთ-ერთ სკოლას დაეჯახა.
წინასწარი მონაცემებით, ორივე მფრინავი და ექვსი უცხოელი დაიღუპა. პოლონეთისა და ნიდერლანდების ელჩები კი დაშავდნენ. უცნობია კატასტროფის მიზეზები. ვერტმფრენს ქალაქ გილგიტში დიპლომატიური კორპუსის წარმომადგენლები გადაჰყავდა, სადაც ისინი საჯარო ღონისძიებას უნდა დასწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.