პატრიარქის მოსაყდრე მეუფე შიო: დღევანდელ ცხოვრებისეულ სირთულეებს, იდეოლოგიურ გავლენებს შეუძლია განაშოროს ადამიანი უფლისგან და რწმენისგან, თუ იგი არ არის ტაძართან თანაზიარი
5-12-2017, 17:02

შრიფტის ზომა: [ A+ ] / [ A- ]

 

საქართველოს კათოლიკოს-პატრიარქის, ილია მეორის მოსაყდრემ, მეუფე შიომ ღვთისმშობლის ტაძრად მიყვანებასთან დაკავშირებით ორშაბათს სიონის საკათედრო ტაძარში სადღესასწაულო მსახურების აღსრულების შემდეგ ქადაგებისას ისაუბრა იმის შესახებ, თუ რატომ არის მნიშვნელოვანი ადამიანის სიარული ტაძარში, სადაც „სუფევს სულიწმიდის მადლი“.

 


„რატომ არის მნიშვნელოვანი ესე ტაძარი? ეს არის სახლი უფლისა და ტაძარში სუფევს სულიწმიდის მადლი და ჩვენ ამას ყველანი ვგრძნობთ. და ტაძარში ჩვენ ვიკრიბებით მთელი ერი, მთელი ეკლესია იკრიბება, მღვდელმთავრისა თუ მღვდლის ეს კრებული, მეთაურობით აღასრულებს მსახურებას, ევედრება უფალს სულიწმიდის მადლს, მადლის მოვლინებას და ყოველთვის უფალი გვპასუხობს ჩვენ და ამ მადლს მოგვივლენს და ჩვენ ამას ვგრძნობთ და ვხარობთ და ვძლიერდებით ამითი. ეს რომ ესე არ იყოს, 2 ათასი წლის განმავლობაში ხალხი არ ივლიდა ტაძარში. რა გვაჩერებს ჩვენ აქ და რას მოვყავართ აქ? აქ შრომაც დიდია, დგომაც საჭიროა დიდხანს და ა.შ. და ა.შ, მხოლოდ ეს, ჩვენ ვხარობთ, ვგრძნობთ, ტაძარში ხდება შეხება სულიწმიდასთან, რაც ჩვენ გვიძლიერებს რწმენას და გვაძლევს ცოცხალ გამოცდილებას უფალთან შეხებისა. აი, ეს არის ძვირფასო ძმებო და დებო, და გილოცავთ ამ დღეს.

 


„ხშირად გვსმენია ჩვენ, ამბობენ ზოგიერთები, რომ რწმენა ისედაც მაქვს, რათ მინდა ტაძარში სიარული, არ მჭირდება მე ტაძარი, მაგრამ ეს არასწორია, იმიტომ, რომ შეიძლება შენ რწმენა გქონდეს, მაგრამ შეუძლებელია ეს ცოცხალი რწმენა შეინარჩუნო, თუ შენ არა გაქვს შეხება, ნამდვილი გამოცდილება თუ არა გაქვს მადლთან შეხების, შეუძლებელია ეს შეინარჩუნო იმიტომ, რომ დღევანდელი ადამიანური სირთულეები, ცხოვრებისეული სირთულეები, სხვადასხვა გავლენები, მათ შორის იდეოლოგიური გავლენები, აი, ამ ყველაფერს შეუძლია განაშოროს ადამიანი უფლისგან და რწმენისგან, თუ იგი არ არის ტაძართან თანაზიარი, ტაძრის მადლთან, ამიტომ უდიდესი მნიშვნელობა აქვს ამას და დღეს ჩვენ ვიხსენებთ აი, ამ უდიდეს მოვლენას, ტაძრად მიყვანებას. ეს არის ყოველი ჩვენგანის ტაძარში შესვლის დღესასწაული და ჩვენ ალბათ ყველამ უნდა განვაახლოთ ჩვენი დამოკიდებულება ტაძრისადმი. უფრო მეტად გავაცნობიეროთ რა დიდი მნიშვნელობა აქვს ტაძარს, ტაძარში ლოცვას და საიდუმლოებებს ეკლესიისა, და ჩვენ თუ ამას გავაცნობიერებთ, ჩვენი ცხოვრება გახდება სხვანაირი, შეიცვლება; ჩვენი საზოგადოებრივი ცხოვრებაც სხვანაირი გახდება; ამდენი ბოროტება აღარ იქნება და გარდაიქმნება სიკეთედ.

 


„აი, თქვენ გსმენიათ, ალბათ, ხშირად ამბობენ ადამიანები, რომ როდემდე ვითმინოთ? არის სირთულეები საზოგადოებრივი, არის უზნეობა, რომელიც სამწუხაროდ ინერგება, როგორც ნორმალური მდგომარეობა და ამას ცდილობენ, რომ მიგვაჩვიონ ჩვენ, რომ ეს ნორმაა და კარგია. და რითი ვებრძოლოთ ამას? რა დავუპირისპიროთ? და ყველაზე ქმედითი დაპირისპირება, ყველაზე ქმედითი ასე ვთქვათ, მოღვაწეობააა ამისთვის, ეს არის, რომ ჩვენ ვიდგეთ ტაძარში, რომ ჩვენ მოვიდეთ ტაძარში, ვილოცოთ და ვეზიაროთ კვირაობით და დღესასწაულებზე. ეს შეცვლის ჩვენს ცხოვრებას უკეთესობისკენ, ჩვენს პირად ცხოვრებას და ჩვენს საზოგადოებრივ ცხოვრებასაც. ღმერთმა დაგლოცოთ და გაგაძლიეროთ. განსაკუთრებით ვულოცავთ უწმინდესსა და უნეტარესს, სრულიად საქართველოს-კათოლიკოს პატრიარქს ილია მეორეს ამ დღესასწაულს, რამეთუ იგი 40 წლის განმავლობაში მიუძღვის ერს სწორედ ტაძრისაკენ და წმიდათა-წმიდათასკენ და ვუსურვოთ მას, რომ მეტად გაიხაროს კიდევ და კიდევ, უფრო მეტად და მეტად, ჩვენი ერის და ჩვენი მრევლის ტაძართან დაახლოებით“, ბრძანა პატრიარქის მოსაყდრე მიტროპოლიტმა შიომ.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

სამხრეთ საფრანგეთის ქალაქ პერპიგნანის სიახლოვეს სასკოლო ავტობუსის და მატარებლის შეჯახების შედეგად სულ მცირე ოთხი ბავში დაიღუპა, იუწყება BBC ქვეყნის შინაგან საქმეთა სამინისტროზე დაყრდნობით.

ამერიკის შეერთებული შტატების ყოფილმა ვიცე-პრეზიდენტმა, ჯო ბაიდენმა სენატორ ჯონ მაკკეინის ქალიშვილ მეგან მაკკეინთან სატელევიზიო თოქ შოუს დროს მისი მამის, აშშ-ის „რესპუბლიკელი“ სენატორის ჯანმრთელობის შესახებ ნუგეში გამოხატა და მაკკეინის ქალიშვილს რჩევა შესთავაზა მას შემდეგ რაც ვიეტნამის ომის ვეტერანი მრავალგზის სენატორი ოთხშაბათს საავადმყოფოში გადაიყვანეს.

ყველაზე კითხვადი
  1. ნიკა მელიამ ივანიშვილი გააფრთხილა, რომ მთელი ქვეყნის მასშტაბით სამოქალაქო პროტესტს მიიღებს, თუ არ შეწყვეტს სააკაშვილის „უკანონო პოლიტიკურ დევნას“
  2. ვლადიმერ პუტინმა, რომელიც სირიის რუსულ ბაზაზე იმყოფებოდა, სირიიდან რუსული სამხედრო შენაერთების გამოყვანის ბრძანება გასცა
  3. ბავშვები დაიღუპნენ საფრანგეთში სასკოლო ავტობუსის და მატარებლის შეჯახების შედეგად
  4. ცრემლსადენი გაზი და წყლის ჭავლი გამოიყენეს ბეირუთში აშშ-ის საელჩოსთან შეკრებილი პროტესტანტების დასაშლელად
  5. სააკაშვილის მომხრეებმა კიევში პოროშენკოს კუთვნილი „როშენის“ მაღაზიის ფანჯარა ჩაამტვრიეს
  6. გიგი უგულავა: ნუ გვიხარია საქართველოს მესამე პრეზიდენტის დაპატიმრება
  7. კიევის ცენტრში, მიხეილ სააკაშვილის მხარდამჭერების მიტინგზე, ეროვნული ხსნის კომიტეტის ჩამოყალიბების მოწოდება გაკეთდა
  8. უკრაინული მედია: მიხეილ სააკაშვილი დააკავეს
  9. პატიმრობიდან გათავისუფლებულმა სააკაშვილმა თქვა, რომ იგი, როგორც სიმბოლო, ისე დააპატიმრეს: „პუტინს ასეთი სიმბოლო ხადარკოვსკი ჰყავდა, იანუკოვიჩს ტიმოშენკო, პოროშენკოსთვის სიმბოლო რატომღაც მე გავხდი“
  10. ნეთანიაჰუს განცხადებით ის, რომ იერუსალიმი 3 000 წლის განმავლობაში ისრაელის დედაქალაქია, შეუძლიათ წაიკითხონ იმ „მშვენიერ წიგნში“, რომელსაც „ბიბლია ჰქვია“
ბოლო სიახლეები
ამინდის პროგნოზი
ვალუტის კურსი