ისნის გამგებელი კახა ლაბუჩიძე აცხადებს, რომ ლაბორატორიის ექსპერტების დასკვნით, თბილისში, ბერი გაბრიელ სალოსის ქუჩაზე ანტიტერორისტული ოპერაციისას დაზიანებულ კორპუსში ცხოვრება საფრთხისშემცველი არ არის.
„ლაბორატორიის ექსპერტებმა დღეს თქვეს, რომ კორპუსი საცხოვრებლად ვარგისია. აქ ცხოვრება საფრთხისშემცველი არ არის. რა თქმა უნდა, ახლა შესაბამის პროცედურებს გავივლით და იმ ადამიანებს, რომლებიც გვყავს სასტუმროში, სახლებში ეტაპობრივად დავაბრუნებთ. ეს შეიძლება მოხდეს დღეს დღის ბოლოდან ან ხვალ დილიდან.
ამასთან, მანამდე „თელასი“ gwp „ყაზტრანსგაზი“ შეასრულებენ თავიანთ სამუშაოებს, რომ ყველაფერი იყოს გადამოწმებული და ამის შემდეგ შეუშვებენ ამ ადამიანებს. დაბრუნდება 15 ოჯახი.
რაც შეეხება კომპენსაციასა და თანხებს, ეს არის დროის ამბავი და, ალბათ, მომავალი კვირიდან დაიწყება ეს სამუშაოები“, განაცხადა ისნის გამგებელმა.
სპეცოპერაცია ბერი გაბრიელ სალოსის ქუჩაზე 21-22 ნოემბერს ჩატარდა. სახელმწიფო უსაფრთხოების სამსახურის ინფორმაციით, დაკავებულია 1 ადამიანი, ხოლო სამი მოკლულია. სპეცოპერაციისას დაკავებული პირი საედ დუდაევია, ხოლო მოკლულთა შორის, სუს-ის ცნობით, ახმედ ჩატაევია.
სპეცოპერაციის დროს, სამართალდამცველებსა და ტერორიზმში ეჭვმიტანილებს შორის შეტაკებას ერთი სპეცრაზმელი ემსხვერპლა, ოთხი კი დაიჭრა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.