22 მოწმის ჩვენებისა და ორსაათიანი ვიდეომასალის გაცნობას ერთ კვირაზე მეტი არ სჭირდება, განაცხადა პროკურორმა, ირაკლი ნადარეიშვილმა, რომელიც საქართველოს ყოფილი პრეზიდენტის, მიხეილ სააკაშვილის სახაზინო ადვოკატის შუამდგომლობას პროცესის ერთი თვით გადადების თაობაზე არ დაეთანხმა.
როგორც პროკურორი აცხადებს, ბრალდებულის ტაქტიკაა, გააჭიანუროს პროცესები.
„პროკურატურა არ აპირებს, დაეხმაროს მიხეილ სააკაშვილს საკუთარი ტაქტიკის განხორციელებაში", აცხადებს ნადარეიშვილი.
სანდრო გირგვლიანის საქმის ერთ-ერთ ეპიზოდზე მიხეილ სააკაშვილს სახაზინო ადვოკატი სოფიო გოგლიჩიძე დაიცავს. გოგლიჩიძე საქმეში მას შემდეგ ჩაერთო, რაც დაქირავებული ადვოკატების აცილება თავად სააკაშვილმა მოითხოვა.
დღევანდელ სასამართლო პროცესზე ადვოკატმა საქმის მასალების გასაცნობად, ერთთვიანი ვადა მოითხოვა, რასაც არ დაეთანხმა პროკურორი და სასამართლოს სთხოვა, ადვოკატისთვის მტკიცებულებების გასაცნობად ერთი კვირა მიეცა.
მოსამართლის გადაწყვეტილებით პროცესი 22 დეკემბერს ჩაინიშნა.
გირგვლიანის საქმის ამ ეპიზოდზე საქართველოს ყოფილ პრეზიდენტს სამსახურებრივი უფლებამოსილების ბოროტად გამოყენება ედება ბრალად – საქართველოს სისხლის სამართლის კოდექსის 332-ე მუხლის მეორე ნაწილით, რაც ითვალისწინებს თავისუფლების აღკვეთას სამიდან ხუთ წლამდე ვადით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.