საქართველოს პარლამენტის თავმჯდომარის, ირაკლი კობახიძის განცხადებით, საპარლამენტო უმრავლესობაში დამატებით ორი ახალი ფრაქციის შექმნაზე კონსულტაციები ჯერ კიდევ საშემოდგომო სესიის გახსნის დროს დაიწყო.
როგორც კობახიძემ ჟურნალისტებთან საუბრისას განმარტა, უმრავლესობამ ახალი ფრაქციების შექმნის გადაწყვეტილება გუნდის შიგნით მენეჯმენტის მარტივად განხორციელების მიზნით მიიღო.
„ჩვენ ვსაუბრობდით ორი დამატებითი ფრაქციის შექმნაზე იმისთვის, რომ უმრავლესობის შიგნით მენეჯმენტი უფრო მარტივად განხორციელდეს, ეს ემსახურება უმრავლესობაში მენეჯმენტის რაციონალიზაციას და ამ მიზნით, საუბარია დამატებითი ფრაქციების შექმნაზე. მოვისმინეთ გარკვეული სპეკულაციები, რომელთაც არავითარი საფუძველი არ აქვს, ეს შემიძლია ძალიან თამამად გითხრათ“, განაცხადა ირაკლი კობახიძემ, რომლის ვარაუდითაც, დამატებით ორი ფრაქცია წლის ბოლომდე შეიქმნება.
„კონსულტაციები პრინციპში უკვე შემდგარია. მიღებული გვაქვს პრინციპული გადაწყვეტილება ფრაქციების შექმნასთან დაკავშირებით, ასევე მათ შემადგენლობასა და ხელმძღვანელობაზე", აღნიშნა პარლამენტის თავმჯდომარემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.