ატლანტის ჰარტსფილდ-ჯექსონის საერთაშორისო აეროპორტისთვის კვირას ელექტროენერგიის მიწოდების 12 საათით შეწყვეტამ მისი ნაწილობრივი დახურვა და ათეულობით ათასი ადამიანის მგზავრობის შეფერხება გამოიწვია.
როგორც BBC იუწყება, მსოფლიოს ყველაზე დატვირთულ აეროპორტში, რომელიც დღის განმავლობაში 250 000 მგზავრს ემსახურება და თითქმის 2 500 ფრენას ახორციელებს, მგზავრები ჩაბნელებულ ტერმინალებში ან თვითმფრინავების ბორტებზე საათების განმავლობაში იმყოფებოდნენ.
ამჟამად, აეროპორტისთვის ელექტროენერგიის მიწოდება აღდგენილია, მაგრამ 1 000-ზე მეტი რეისი გაუქმდა და ორშაბათისთვის კიდევ ასეულობით ფრენის გაუქმებაა დაგეგმილი.
ჯორჯიის შტატის ელექტროენერგიის კომპანიამ განაცხადა, რომ მათი ვარაუდით, აეროპორტისთვის დენის მიწოდების შეჩერება მიწისქვეშა სისტემებში ხანძრის გაჩენამ და კაბელების დაზიანებამ გამოიწვია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.