პოლონეთის ცენტრალური საარჩევნო კომისიის მიერ გამოქვეყნებული საბოლოო შედეგების მიხედვით, ქვეყნის საპრეზიდენტო არჩევნებში ოპოზიციონერმა კანდიდატმა ანჯი დუდამ ხმების 34.76% მიიღო, მოქმედმა პრეზიდენტმა ბრონისლავ კომოროვსკიმ კი - 33.77%.
იმის გამო, რომ ვერც ერთმა კანდიდატმა ვერ შეძლო ხმათა 50%-ზე მეტის მოპოვება, პოლონეთში არჩევნების მეორე ტური 24 მაისს გაიმართება.
პირველ ტურში 11 კანდიდატი მონაწილეობდა, მეორეში კი მხოლოდ კომოროვსკი და ოპოზიციონერი ანჯი დუდა მიიღებენ მონაწილეობას. ბრონისლავ კომოროვსკიმ პოლონეთის პრეზიდენტის პოსტი 2010 წელს დაიკავა, მან მაშინაც ვერ შეძლო არჩევნების პირველ ტურში გამარჯვება. მეორე ტურში კი ხმათა 52 პროცენტი მიიღო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.