საფრანგეთის პრეზიდენტმა ფრანსუა ოლანდმა კუბაში ოფიციალური ვიზიტის ფარგლებში მოქმედ პრეზიდენტ რაულ კასტროსა და ყოფილ ლიდერ ფიდელ კასტროსთან შეხვედრები გამართა.
ფიდელ კასტროსთან შეხვედრა კუბის ყოფილი პრეზიდენტის რეზიდენციაში გაიმართა. ფიდელ კასტრო საერთაშორისო სტუმრებს იშვიათად იღებს მას შემდეგ, რაც იგი 2008 წელს გადადგა. ის საზოგადოების წინაშეც იშვიათად ჩნდება. რაზე ისაუბრეს ოლანდმა და ფიდელ კასტრომ უცნობია.
კუბის ყოფილ ლიდერთან შეხვედრამდე ფრანსუა ოლანდი ჰავანას უნივერსიტეტში სიტყვით გამოვიდა, სადაც მან განაცხადა, რომ მისი ვიზიტი კუბაში "უაღრესად მნიშვნელოვან დროს შედგა, მაშინ როდესაც აშშ და ევროკავშირი კარიბის ზღვის ამ ქვეყანასთან კავშირების აღდგენას ცდილობს".
საფრანგეთის პრეზიდენტის თქმით, ის მიესალმება კუბის გადაწყვეტილებას გააღრმავოს კავშირები პარიზთან და დანარჩენ ევროპასთან ეკონომიკის გაძლიერებისთვის.
ფრანსუა ოლანდი პირველი დასავლეთევროპელი ლიდერია, რომელიც კუბაში ჩავიდა 1986 წლის შემდეგ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.