გარკვეული მექანიზმები შემოსაღებია, რომ პენსიონერებს პენსიით უზრუნველყოფილ სესხზე არაადექვატური საპროცენტო განაკვეთი არ ჰქონდეთ, განაცხადა გიორგი კვირიკაშვილმა პარლამენტში რიგგარეშე სხდომაზე სიტყვით გამოსვლისას.
მისი თქმით, საჭირო იქნება გარკვეული რეგულაციები.
„რაც შეეხება პენსიონერების საკითხს, საპარლამენტო გუნდთან ერთად განვიხილეთ, რომ გარკვეული მექანიზმებია შემოსაღები, როდესაც პენსიონერი საკუთარი მომავალი პენსიების უზრუნველყოფით იღებს სესხს, რომ მას არ ჰქონდეს ძალიან მაღალი, არაადექვატურად მაღალი საპროცენტო განაკვეთი. ალბათ, გარკვეული რეგულაციები იქნება აქ საჭირო. ჩვენ სიამოვნებით განვიხილავთ ამ ინიციატივებს. თუმცა, ის, რომ პენსიები ერთ ბანკშია, ეს ტენდერით გადაწყდა, მაგრამ თუ რამე პრობლემებია ამ მიმართულებით, მზად ვართ მათ შორის, ფინანსთა და ეკონომიკის სამინისტროც, ჩაერთონ და განიხილონ ეს საკითხები“, განაცხადა გიორგი კვირიკაშვილმა.
საკანონმდებლო ორგანო დღეს მთავრობის განახლებული შემადგენლობისთვის ნდობის გამოცხადების საკითხს განიხილავს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.