„ერთიანი ნაციონალური მოძრაობა“ ხელისუფლებას პანკისის სპეცოპერაციის შესახებ დეტალების გასაჯაროვებისკენ მოუწოდებს.
როგორც პარტიის წარმომადგენელმა, ნუგზარ წიკლაურმა დღეს გამართულ ბრიფინგზე განაცხადა, ამ დრომდე არ არსებობს პასუხები შეკითხვებზე, თუ როგორ მოხვდა ახმედ ჩატაევი საქართველოში და რა ფაქტები ადასტურებს, რომ სპეცოპერაციისას დაჭრილ თემირლან მაჩალიკაშვილს ჩატაევთან კავშირი ჰქონდა.
წიკლაურის თქმით, სახელმწიფოს აქვს ძალის გამოყენების ლეგიტიმური უფლება, თუმცა ეს არ უნდა იყოს გადამეტებული და არ უნდა შეილახოს მოქალაქის სიცოცხლის ფუნდამენტური უფლება.
„მიუხედავად იმისა, რომ ჯერჯერობით არ არის წარმოდგენილი ბრალეულობის დამადასტურებელი არანაირი დოკუმენტი, იმ შემთხვევაშიც კი, თუ ჰიპოთეტურად ასეთი დოკუმენტები იქნება წარმოდგენილი, აუხსნელია ასეთი სისასტიკე იმ ადამიანის მიმართ, რომელიც იმ დროისთვის არ წარმოადგენდა არანაირ საფრთხეს და უბრალოდ ეძინა. „ერთიანი ნაციონალური მოძრაობა" მოუწოდებს ხელისუფლებას, არ გააყალბოს ეს გამოძიება, არ გადატეხოს ჯოხი უდანაშაულო ადამიანებზე, ნუ შეეცდება შექმნას პანკისის ხეობის მცხოვრებთაგან მტრის ხატი და ხელოვნურად შექმნილი მტრის ხატით არ შექმნას წინაღობა იმისათვის, რომ ამ გარემოებებით ისარგებლონ უცხო ძალებმა", განაცხადა ნუგზარ წიკლაურმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.