თემირლან მაჩალიკაშვილის ოჯახი საქმეში დამოუკიდებელი ექსპერტის, მაია ნიკოლეიშვილის ჩართვას აპირებს. ოჯახის ადვოკატმა, მარიამ კუბლაშვილმა მედიის წარმომადგენლებს განუცხადა, რომ ექსპერტ ნიკოლეიშვილთან დღეს გაფორმდება ხელშეკრულება და სავარაუდოდ, ხვალ ის მაჩალიკაშვილის სახლში იმუშავებს.
მარიამ კუბლაშვილის ინფორმაციით, პანკისის ხეობაში, მაჩალიკაშვილების სახლში ექსპერტიზის ჩასატარებლად პროკურატურის წარმომადგენლები გაემგზავრნენ. პროკურატურის წარმომადგენლებთან ერთად პანკისში გაემგზავრა დაჭრილი ახალგაზრდის და ნატა მაჩალიკაშვილი.
„მაშინვე უნდა მომხდარიყო ექსპერტის ჩართვა. ჩვენ ვეცადეთ, რომ ხელუხლებელი ყოფილიყო ყველა ნივთი. თუნდაც ხელყუმბარა, რომელზეც იყო საუბარი, რომ ვითომდა თემირლან მაჩალიკაშვილმა დააპირა გახსნა, ამოღებულია, გატანილია და მნიშვნელოვანია ის გარემოება, რომ ხელყუმბარა, როგორც მამა ამბობს იყო ოთახის ბოლოში და როცა ყველაფერი იყო სისხლით მოსვრილი ხელყუმბარაზე არ აღინიშნებოდა სისხლის კვალი. მას სურდა გადაღება თუმცა ჩამორთმეული ჰქონდა ტელეფონი”, განაცხადა კუბლაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.