სანდრო გირგვლიანის საქმის პროკურორი ირაკლი ნადარეიშვილი თბილისის საქალაქო სასამართლოს მიერ მიხეილ სააკაშვილისთვის გამოტანილ გამატყუნებელ გამანაჩენს გამოეხმაურა.
როგორც პროკურორმა განაჩენის გამოცხადების შემდეგ მედიასთან კომენტარის გაკეთებისას განაცხადა, ფაქტი სამწუხარო, თუმცა, წმინდა სამართლებრივია.
„ამ საქმეს აქვს ორი მხარე, ერთი ეს არის ადამიანური მხარე და სამწუხაროა, როდესაც ამ ქვეყნის თუნდაც ყოფილი პრეზიდენტი სასამართლომ დღეს გამოაცხადა დამნაშავედ.
როგორც ფაქტი ეს არის ნამდვილად სამწუხარო, მაგრამ არის მეორე - წმინდა სამართლებრივი მხარე და ეს საქმე უნდა გადაიქცეს ერთგვარ პრევენციად. მიუხედავად სახელმწიფო პოლიტიკური პირების იერარქიული მდგომარეობისა, მიუხედავად იმისა, ვის რა უფლებამოსილება და ვის რა თანამდებობა უკავია, უნდა გახდეს პრევენციული მაგალითი იმისთვის, რომ კანონის წინაშე არის ყველა თანასწორი და ხელისუფლების ბოროტად გამოყენების და უფლებამოსილების ბოროტად გამოყენებისთვის კანონის წინაშე მოხდება ყველას პასუხისგებაში მიცემა,“ განაცხადა ირაკლი ნადარეიშვილმა და დაამატა:
„პრეზიდენტი პასუხისგებაში მიცემულ იქნა, გასამართლებულ იქნა და მას დღეის მდგომარეობით უკვე მსჯავრდებულის სტატუსი აქვს არა შეწყალების გამო, არამედ სამსახურეობრივი უფლებამოსილების ბოროტად გამოყენების გამო".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.