სანდრო გირგვლიანის საქმეზე საქართველოს ყოფილი პრეზიდენტის, მიხეილ სააკაშვილის მიმართ თბილისის საქალაქო სასამართლოს მიერ გამოტანილ დღევანდელ გამამტყუნებელ განაჩენს „ერთიანი ნაციონალური მოძრაობის" წევრი ზაალ უდუმაშვილი ეხმაურება და აცხადებს, რომ „ქართული მართლმსაჯულების მხრიდან, „ქართული ოცნების” სასამართლოს ეს გადაწყვეტილება მოულოდნელი ნამდვილად არ ყოფილა".
„ჩვენ მიჩვეული ვართ უკვე ასეთ სამართლებრივ ნონსენსებს. სწორედ დღესაც ასეთი სამართლებრივი ნონსენსი მოხდა, ვინაიდან საქართველოს პრეზიდენტს გამოუტანეს გამამტყუნებელი განაჩენი იმის გამო, რომ მან აღასრულა კონსტიტუციით მინიჭებული უფლებამოსილება. შესაბამისად, ეს გადაწყვეტილება არამხოლოდ „ქართულ ოცნებას”, არამხოლოდ ხელისუფლებას, არამედ მთლიანად საქართველოს სახელმწიფოს დაუბრუნდება ძალიან ცუდად, ბუმერანგივით ცუდად”, განაცხადა ზაალ უდუმაშვილმა.
თბილისის საქალაქო სასამართლომ სანდრო გირგვლიანის საქმეზე მიხეილ სააკაშვილი დამნაშავედ სცნო. სასჯელის სახით სასამართლომ სააკაშვილს 4 წლით თავისუფლების აღკვეთა შეუფარდა, ამნისტიით მას სასჯელი 1/4-ით შეუმცირა და 3 წლით პატიმრობა დარჩა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.